The Point Kitchen (奧海城二期) (已結業)

见到屋企附近餐厅新出龙虾盛宴2.0 menu, 即刻拉埋朋友去食！ 呢个套餐嘅特别之处系用咗新鲜波士顿龙虾，即叫即煮，非常新鲜，肉质一定好鲜甜！每日供应有限，记得打去餐厅要预早订！龙虾汤非常浓郁，系一个好好嘅开始。芒果鲜虾番茄莎莎，味道清新，估唔到加埋牛油果味道都非常夹！主角就系原只新鲜波士顿龙虾海鲜煲配扁意粉！份量超大，我哋两个人都食唔晒！新鲜波士顿龙虾肉质果然非常鲜甜弹牙，仲有好多蚬肉同鱿鱼青口，非常丰富！套餐仲送两杯非常解渴嘅青苹果梳打！总括而言呢个套餐超值