Ocio (已結業)

Ocio开到黎葵芳，当然要试吓啦！推广紧一系列龙虾的菜式，连早餐都有龙虾窝夫，实在令人震惊🤯可惜我食晚餐如果唔系都试吓食龙虾做早餐😌美国波士顿龙虾饭$158芝士焗嘅龙虾🦞肉质厚实，鲜甜既龙虾肉配香浓焗芝士，剩系食开边既龙虾肉紧系唔够喉😏叫侍应拎铁钳就可食埋蟹钳入面嘅肉就perfect la。虽然得半只，不过肉都唔少，不错！至于risotto系用蕃茄汁煮既，粒粒软硬适中，渗透茄汤之余又唔干，而且蕃茄够晒开胃，唔会食滞😋每啖饭都好满足，令人再三回味呀！美国安格斯肉眼配薯条$198Menu有写有10oz ，所以都好大块，但薯条竟然得咁少，仲摆喺块扒下面整到林晒😣不过论质素而言系高既，肉质鲜嫩，牛味浓，又有小小脂肪，大食的朋友可能需要多小小薯条先得呀😆餐汤系粟米汤😍有粒粒粟米，而且粟米好甜，应该系新鲜粟米黎🤡餐饮叫左杯特饮，巨峰提子梳打，颜色一般，好似柠茶咁，但味道可以呢！