Hungry Lobster (已結業)

作为龙虾粉丝既我，梗系要黎试下hungry lobster既龙虾全餐。全餐有龙虾包、烤全只龙虾配薯条同沙律、龙虾意粉同龙虾汤。听落好似好多野，但其实2个女仔食岩岩好，如果大食既仲可能会觉得唔够。先讲最好食既龙虾包，个牛油软包焗得好香好浓牛油味，小小脆，包面放左2只龙虾钳，包入面都充满住龙虾肉，每一啖都充满住龙虾，加埋特制既龙虾汁真系好正，但个包就真系细左d!跟住就到烤全只波士顿龙虾，份量OK，唔算好细只，肉身都厚实。伴碟既薯条系连皮粗身既，好好味。龙虾意粉既龙虾唔多，但意粉都几入味同弹口。龙虾汤味道都唔错，冇咩特别，伴碟既多士烤得几香脆。整体黎讲，呢餐对于龙虾fans会好满足，但价钱唔算平，份量都可以再慷慨d，间唔中都可以黎食下！