Cima Fine Dining Bar (已結業)

依间餐厅系位于一橦商业大厦内，一般人经过都好难发现。店内既环境相当唔错，d櫈全部都系用皮做，好够气派，而且灯光好够，系一个唔错既谈心地方。首先先食 Caprice Salad，依碟冷盘前菜系由三种唔同既蕃茄配以鱼子酱制成。鱼子酱好浓味，而且好有口感。配以salad醋同芝麻酱去带出蕃茄既酸甜味，味道好fresh。Japanese Oyster Topped With Sea Urchin只炸蚝好饱满好大只，好浓既蚝香。至于个炸粉唔太厚身，咸度适中，唔洗点酱都已经好够味。Braise Boston Lobster 成碟菜好靓，d摆位好靓。估唔到龙虾配海胆酱甘夹，双倍鲜甜味。龙虾啖啖肉，而且好鲜甜。个酱汁好特别，我食到有少少酒既味道，好浓郁既味道，好creamy既质感。味道真系相当唔错！名符其实睇得又食得。Rednaxela Cocktail上面有d cream同糖霜，甜甜地，几易入口。