村爺爺車仔麵

营业中

休息中

今日嚟呢度食車仔麵，村爺爺之前都食過，村爺爺車仔麵就第一次試。中午嘅時間唔算好多人。食店採取自助形式，一人門口左手邊就會有個車仔麵檔。就可以同入面嘅姐姐講你要咩餸咩面底同咩湯底。然後就可以搵位坐低。另外會有一個姐姐行埋嚟同你講幾多錢。成件事就完晒。然之後就等食嘅環節啦，車仔麵好快嚟到。今日試咗龍蝦湯底，配伊麵。可惜嘅係今日冇龍蝦。不過唔緊要龍蝦湯底味道鮮甜。面嘅份量亦都算多。由於我今日好肚餓嘅關係。我都叫得比較多餸。分別有牛柏葉，南乳炸雞翼，雞腎，炸墨魚手指，同埋豬手。牛柏葉同雞腎夠爽口。豬手夠晒入味。最特別係南乳炸雞翼，我覺得係必食推介。炸雞翼本身已經夠香口，加埋藍雨簡直就會令人垂涎欲滴。最後個龍蝦湯我飲晒個湯底。最令我驚喜嘅係，我自己好怕出街食麵飲完個湯底之後會口渴。但係呢個湯底係我飲完之後竟然冇口渴嘅感覺。 咁即係證明佢冇味精啦。整體來講呢間車仔麵超值得大家一試。