村爺爺車仔麵 (已搬遷) 新店位置

呢个车仔面档细细间，可以系门口位置选食物，再入入面坐等食物上枱。黎时系四点零五点钟，客人不算太多，所以由我落单到上枱都系五分钟到！估唔到车仔面都可以有龙虾食！！先讲下个龙虾汤，超浓郁！！有好多龙虾膏既感觉，好香，个汤好似人地餐汤甘浓，睇得出用左好多材料去淆！正！！龙虾有半只！身既肉好容易整甩，真系啖啖肉！肉质好实好爽口弹牙！仲会俾埋龙虾钳你开，贴心！叫左柠粉，够淋！吸晒啲龙虾汤，入晒味，正！！佢地 食送 系另上，都系热既！炸鱼皮好脆口，又大块！卤水鸡翼好林！入味！个底有和牛油卤水汁，好香，甜甜地！饮品叫左campal牌子既蜜桃汁，之前系出面都未见过呢只，所以试下！好浓郁既桃汁！雪冻左，好味升级！枱上有招纸教你食既次序唔错！