鉄人旨花

营业中

休息中

星期二同男朋友齐齐放下午假，睇完《007: 生死有时》，系八号风球底下去食铁板烧。我地食龙虾铁板烧二人前$2380+1。餐厅食物高质之余，服务态度亦好好，特别系个后生仔侍应，好细心。前菜: 酱油豆腐龙虾肉豆腐豆味香浓又嫩滑，龙虾肉鲜甜。秋葵藜麦沙律新鲜。汁煮白鳕鱼鱼皮煎到好脆，食紧脆片甘。白鳕鱼外脆内嫩，好好食。龙虾配海胆汁食得出好新鲜，原汁原味，配以海胆汁同柠檬汁更正。季节料理: 蒜香天白花菇花菇够腍，落左劲多蒜蓉。熊本县产A5和牛王呢个劲啦，有证书添架。叫左五成熟，入口即化，十分软嫩，油脂味好香口，好似刺身个种入口即化既感觉，就算唔蘸岩盐/wasabi/车厘子红酒汁/配蒜片食，都已经好好食。炒饭(日本产米)厨师会问你要唔要落葱，对于唔食葱既我黎讲好好。炒饭粒粒分明，重蛋味，一碗够饱肚，仲附上渍物。鸡汤用土瓶黎装住，要倒出黎饮，仲有啲菇同只虾，鸡汤几好饮，唔会好油腻。甜品拣左静冈蜜瓜同豆腐雪糕。静冈蜜瓜清甜。豆腐雪糕豆腐味浓郁，正。