影片
更多
2011-03-23
158 浏览
12月25日, 圣诞大快乐~~~!! 今日晏昼呀比就带咗我去塔门食海胆炒饭~ 夜晚我地返出西贡就继续我地嘅海鲜大餐!! 行咗成条海鲜街, 研究完一大轮唔同酒家供应嘅二人餐, 发现呢间全记嘅二人餐$348有四𩠌一菜之外仲又龙虾又鲍鱼兼送甜品~ 二话不说就走入去啦!!::: 芝士焗龙虾 (伊面底) ::: 用上原只龙虾开边去煮, 无乜焗过之后香喷喷嘅味道… 份量唔算大只, 不过都几新鲜, 而且颇厚肉~ 唔太弹牙但有虾味, 虾头仲几多膏添! 伊面比平时嘅幼身, 煮得有d淋, 但捞埋芝士龙虾汁食都ok嘅~ 其实咁嘅价钱呢个龙虾伊面已经系合格有余了!::: 清蒸鲍鱼 :::清蒸鲍鱼仔四大只! 只以简单蒜茸豉油调味~ 鲍鱼仔系出奇地鲜味, 口感弹牙! 呢个真系几抵食~~~::: 姜葱焗蟹 :::炒得都几香~ 蟹系意料中细只, 蟹膏亦欠奉. 好在个蟹身都叫有d肉食! 蟹肉味道都够鲜, 而且姜葱落得多, 所以成碟野都好惹味~::: 豉椒炒蚬 :::呢个就相对地逊色… d蚬肉炒到离晒壳! 而且d蚬好细只, 咬落无肉之余鲜味亦欠奉. 豉椒味亦一般~ 整体真系麻麻…::: 蒜茸白菜仔 :::估唔到呢碟炒菜都
::: 芝士焗龙虾 (伊面底) ::: 用上原只龙虾开边去煮, 无乜焗过之后香喷喷嘅味道… 份量唔算大只, 不过都几新鲜, 而且颇厚肉~ 唔太弹牙但有虾味, 虾头仲几多膏添! 伊面比平时嘅幼身, 煮得有d淋, 但捞埋芝士龙虾汁食都ok嘅~ 其实咁嘅价钱呢个龙虾伊面已经系合格有余了!
::: 清蒸鲍鱼 :::清蒸鲍鱼仔四大只! 只以简单蒜茸豉油调味~ 鲍鱼仔系出奇地鲜味, 口感弹牙! 呢个真系几抵食~~~
::: 姜葱焗蟹 :::炒得都几香~ 蟹系意料中细只, 蟹膏亦欠奉. 好在个蟹身都叫有d肉食! 蟹肉味道都够鲜, 而且姜葱落得多, 所以成碟野都好惹味~
::: 豉椒炒蚬 :::呢个就相对地逊色… d蚬肉炒到离晒壳! 而且d蚬好细只, 咬落无肉之余鲜味亦欠奉. 豉椒味亦一般~ 整体真系麻麻…
::: 蒜茸白菜仔 :::估唔到呢碟炒菜都几大碟! 白菜仔几大棵同埋够翠绿! 炒得够香~ 唔错!
::: 红豆沙 :::好好味!! 红豆大粒兼且煲到起晒沙, 口感极佳!! 味道系一贯酒楼调味咁会比较甜, 但都可以接受~ 仲有d莲子百合全部都煲到入口即化嘅地步~ good!! 唯一美中不足只能话系太细碗喇!! 完全唔够喉!!!
环观成条海鲜街, 全记两间分店包抄咗一头一尾咁滞… 尤以佢门口d鱼缸入面各种生猛海鲜最为抢镜! 记忆中多年前我地都喺佢门口拎住只大龙虾影过相~ 我估佢都算系西贡入面嘅明星海鲜店! 今次无散叫, 以二人餐咁嘅价钱食到咁嘅海鲜其实都已经算超值~ 下次人多可以试下散叫, 质素应该更好!张贴
