Hungry Lobster (已結業)

最近食龙虾食上瘾，今日再去呢间好出名食龙虾既Hungry Lobster食龙虾大餐。我地叫左一个饥饿龙虾全餐share。有法式龙虾汤，烤全只波士顿龙虾，龙虾意粉，龙虾包，配薯条同沙律，好丰富呀。首先上既系龙虾汤配蒜蓉包，龙虾汤味道好浓，好creamy，蒜蓉包好香脆，仲搽满蒜蓉酱，非常香口。烤龙虾既肉好扎实同有嚼劲，非常鲜甜。最钟意就系佢既龙虾包，佢既包系牛油软包，内外都搽满左牛油去烘，令到成个包都充满住牛油香，外脆内软，入面仲夹左好多龙虾肉，有成两只龙虾钳咁多阿。另外薯条系粗切，炸到热辣辣，仲有好香嘅胡椒味。沙律都几新鲜。龙虾长通粉嘅通粉都几弹牙，个汁味道都几浓，仲有个龙虾头伴碟，入面有好多虾膏，份量都几多。食到有少少颈渴，就叫左一樽Pompelmocello啤酒。店员话呢款啤酒衬埋龙虾包一齐饮就最夹。呢款啤酒有酸酸既西柚味，味道好香好清新，都几特别。Hungry Lobster果然无令我地失望，等我下次又带朋友黎食先！