影片
更多
2022-10-21
555 浏览
喺西营盘除咗高街，其实地铁站附近有好多餐厅。今日去到第二街嘅 Lobster Shack，由地铁站行去大约3分钟路程。附近嘅西餐厅一般中午都会有set lunch，大家都差差不多嘅 three-course set，都系有前菜、主菜、甜品或饮品，连价钱都差唔多。今次拣咗Lobster Shack Lunch Set ($128)。前菜可以拣沙律、汤或者炸多春鱼，而我就拣咗House salad 招牌沙律。有杂锦生菜、车厘茄、樱桃萝卜、红洋葱，酱汁系油醋。主菜有牛扒、蟹肉意粉、烤鱼或者芝士通心粉。今日想食意粉，唔想太腻，拣咗Typhoon Crab Linguini 台风蟹肉扁意粉。除咗蟹肉，仲有蒜蓉辣椒、蕃茄粒。蟹肉系捞埋意粉一齐炒，份量好多，真系每一啖都会食到蟹肉。意粉煮得岩岩好👍🏻，而且份量好大。见到旁边客人拣牛扒，卖相看似唔错。跟餐甜品系绿茶蛋糕，虽然唔系太甜，但亦唔算太出色。由于套餐无包饮品，加咗$15叫咗杯咖啡。餐厅虽然近地铁站，但同高街有一段距离，第二街人流相对较少，整个用餐期间，唔觉有新客人入座🤔厨房水吧就喺餐厅门口，如果选择坐近门口位置的话，就等同人肉吸味机😅但坐餐厅
今日去到第二街嘅 Lobster Shack，由地铁站行去大约3分钟路程。
附近嘅西餐厅一般中午都会有set lunch，大家都差差不多嘅 three-course set，都系有前菜、主菜、甜品或饮品，连价钱都差唔多。
今次拣咗Lobster Shack Lunch Set ($128)。
前菜可以拣沙律、汤或者炸多春鱼，而我就拣咗House salad 招牌沙律。
有杂锦生菜、车厘茄、樱桃萝卜、红洋葱，酱汁系油醋。
主菜有牛扒、蟹肉意粉、烤鱼或者芝士通心粉。
今日想食意粉，唔想太腻，拣咗Typhoon Crab Linguini 台风蟹肉扁意粉。
除咗蟹肉，仲有蒜蓉辣椒、蕃茄粒。蟹肉系捞埋意粉一齐炒，份量好多，真系每一啖都会食到蟹肉。意粉煮得岩岩好👍🏻，而且份量好大。
见到旁边客人拣牛扒，卖相看似唔错。
跟餐甜品系绿茶蛋糕，虽然唔系太甜，但亦唔算太出色。由于套餐无包饮品，加咗$15叫咗杯咖啡。
餐厅虽然近地铁站，但同高街有一段距离，第二街人流相对较少，整个用餐期间，唔觉有新客人入座🤔
厨房水吧就喺餐厅门口，如果选择坐近门口位置的话，就等同人肉吸味机😅但坐餐厅较入位置又唔够冷气，越食越热😓
总结食物味道唔算太出色，同一价钱，高街的确有更多更好嘅选择。
如果时间许可，我觉得值得多花5分钟路程去高街😅
张贴
