影片
更多
2017-06-17
1474 浏览
今日喺荃湾做完嘢，已经过咗食晏时间，饿到脚都软埋！谂起朋友话荃湾有间京都风拉面店由日本师傅精心炮制，味道好正宗。即刻充满力量脚步自然加快向千色汇二楼出发。离远见到日式布帘同实木招牌嘅就系「面道」。可能食晏时间过咗，唔驶排队就有位。佢嘅布置喺用木枱同木櫈，好有日本嘅地道京都小店风，位同位之间好阔落，觉得好舒适自在。墙上面仲有个古典武士背影，令人谂起日本剑道，唔知同个店名有无关系呢？睇睇餐牌有三种拉面汤底可以拣，酱油豚骨汤、伊势海老豚骨汤同鸡白汤。最特别系用龙虾头、虾壳、虾膏同虾籽先烤咗，再加入豚骨熬制嘅出伊势海老豚骨汤。听落都觉得好味，所以就叫咗特盛叉烧溏心蛋龙虾豚骨汤拉面，点餐纸上仲可拣走葱、走木耳，面质有软、适中、硬面。枱面有一个细盒，有齐各种用具同调味料，隔离有饺子酱油，仲有前菜小青瓜粒任食，辣辣地又爽又脆，好醒胃。等咗几分钟拉面就放喺眼前，闻到阵阵虾汤香味，快快手饮啖汤先，虾味又唔会抢走豚骨鲜味，入口又香又浓，汤底又唔会好杰。拉面㨂咗直面，佢比其他面幼D，估唔到挂汤力咁高，一啖啖挂满汤嘅直面烟韧又弹牙。四大块叉烧表面有少少㶶㶶地，但又有少少焦香，肥瘦双隔嘅义烧又唔会好油腻，好鬼松
可能食晏时间过咗，唔驶排队就有位。佢嘅布置喺用木枱同木櫈，好有日本嘅地道京都小店风，位同位之间好阔落，觉得好舒适自在。墙上面仲有个古典武士背影，令人谂起日本剑道，唔知同个店名有无关系呢？
睇睇餐牌有三种拉面汤底可以拣，酱油豚骨汤、伊势海老豚骨汤同鸡白汤。最特别系用龙虾头、虾壳、虾膏同虾籽先烤咗，再加入豚骨熬制嘅出伊势海老豚骨汤。听落都觉得好味，所以就叫咗特盛叉烧溏心蛋龙虾豚骨汤拉面，点餐纸上仲可拣走葱、走木耳，面质有软、适中、硬面。
枱面有一个细盒，有齐各种用具同调味料，隔离有饺子酱油，仲有前菜小青瓜粒任食，辣辣地又爽又脆，好醒胃。
等咗几分钟拉面就放喺眼前，闻到阵阵虾汤香味，快快手饮啖汤先，虾味又唔会抢走豚骨鲜味，入口又香又浓，汤底又唔会好杰。拉面㨂咗直面，佢比其他面幼D，估唔到挂汤力咁高，一啖啖挂满汤嘅直面烟韧又弹牙。四大块叉烧表面有少少㶶㶶地，但又有少少焦香，肥瘦双隔嘅义烧又唔会好油腻，好鬼松软。溏心蛋外面有酱油香，入面蛋黄软滑，充满蛋香，好味。窝心惊喜仲有两只饺子，连汤带饺一啖入口，皮香肉滑，又唔会太大只一啖一只够晒满足，加埋木耳同葱花，真喺滋味无穷。
依个时间最好再加D芝麻喺拉面到，用好得意嘅迷你磨碗木棒去磨碎，增加香味，等佢容易溶喺汤到，将佢提升到另一境界。
小食点咗烧汁天妇罗无骨鸡翼，无骨啖啖肉，炸得外面松脆，入面肉质又软又嫩，加埋烧汁，更加惹味好食。
本来想要樱花可乐，之前在其他食店饮过几特别，点知啱啱卖晒，真喺激气！希望下次再离可以饮到，仲要试埋少见用鸡肉做嘅叉烧，鸡叉烧鸡白汤拉面。
张贴
