意粉屋 (已結業)

是晚收工后同老婆嚟到尖沙咀谂住行街同食饭。但经过一日辛劳嘅工作，我地未行街就已经又攰又肚饿！所以二话不说，我地就嚟咗意粉屋食饭。老婆同我都钟意食呢一类嘅食物，睇住menu有咁多款唔同嘅小食、pasta、pizza等等嘅美食......我地迟迟都决定唔到食咩好。好彩我地发现咗一个龙虾二人套餐，套餐有酥皮龙虾汤、芝士焗龙虾带子天使面、烧猪仔骨同饮品。我地另外仲叫多咗个芝士焗茹子添~先嚟酥皮龙虾汤：热辣辣，汤无苦味...但亦唔够鲜味。料都算多，龙虾用虽然细粒但份量唔少兼有啲爽口。烧猪仔骨：超大份，两个人嘅份量嚟讲就真系好大份！烧汁味道唔错，但肉质较"un"兼"chi"牙，过咗少少火喉，如果"林"啲就好啦。不过依家啲猪流感咁劲，都系熟啲稳阵好啲！芝士焗龙虾带子天使面：配料份量适中，个汁都好好味。果然系推介食品~最后系芝士焗茹子：茹子用蛋腌好后再煎，配合芝士味道唔错。但因为呢个菜嚟之前我地都已经食到好饱，其实呢个小食可以唔叫~但埋单total都只系三百蚊，都算几抵食。另外呢度啲staff有service亦都有礼貌：点菜后佢地细心话你听啲𩠌大约要等几耐，同佢地讲嘢时亦都会唔该前、唔该后。值得一赞！