影片
更多
2021-08-11
4199 浏览
年纪大quota有限，平时食蛋卷，我多数都只系食德成号。唔系话唔想试新野，但系一试新牌子新口味，一买就买一盒，返嚟唔啱，就会成盒掉咗喺度，做只大嘥鬼。今次如果唔系Mcdull朋友介绍，我都唔会试，但试落𠮶味又几对版。「龙记蛋卷」$80细罐400克佢门市喺屯门新墟嘅巴伦纽戏院购物中心G59铺，但又周不时会去唔同地方摆摊位。我第一啖食龙记蛋卷，咬左大概1/3条，咬断之后，蛋卷松开到填满晒我成个口，好实在嘅感觉。之后睇到佢条蛋卷原来有好多层，比起德成号起码多一倍。据官网讲，蛋卷系有三圈半，口感满分。味道方面，蛋味系有，但我就觉得甜咗少少，但系Mcdull 同McQueen就觉得啱啱好。各人口味都唔同。唔使千里迢迢/排晒长龙就可以买到咁嘅质素嘅蛋卷，值得翻兜同晒Quota。而听讲佢嘅蛋卷仲有咖啡味，而咖啡味仲好似系冇咁甜，咁我下次就会买盒咖啡味嘅试吓喇。Mcmug综合评分：8/10口感一流，值得一试。Mcdull 综合评分：8/10 几松脆，手工制作不容易呀
年纪大quota有限，平时食蛋卷，我多数都只系食德成号。唔系话唔想试新野，但系一试新牌子新口味，一买就买一盒，返嚟唔啱，就会成盒掉咗喺度，做只大嘥鬼。
今次如果唔系Mcdull朋友介绍，我都唔会试，但试落𠮶味又几对版。
「龙记蛋卷」$80细罐400克
佢门市喺屯门新墟嘅巴伦纽戏院购物中心G59铺，但又周不时会去唔同地方摆摊位。
我第一啖食龙记蛋卷，咬左大概1/3条，咬断之后，蛋卷松开到填满晒我成个口，好实在嘅感觉。之后睇到佢条蛋卷原来有好多层，比起德成号起码多一倍。据官网讲，蛋卷系有三圈半，口感满分。
味道方面，蛋味系有，但我就觉得甜咗少少，但系Mcdull 同McQueen就觉得啱啱好。各人口味都唔同。
唔使千里迢迢/排晒长龙就可以买到咁嘅质素嘅蛋卷，值得翻兜同晒Quota。而听讲佢嘅蛋卷仲有咖啡味，而咖啡味仲好似系冇咁甜，咁我下次就会买盒咖啡味嘅试吓喇。
Mcmug综合评分：8/10口感一流，值得一试。
Mcdull 综合评分：8/10 几松脆，手工制作不容易呀
张贴
