影片
更多
2021-05-13
1154 浏览
铜锣湾最近系好多野食既希云街有一间人气拉花Cafe，呢间Sleepless前身系一间叫做R&C 既Cafe，改名之后主打各式图案既拉花咖啡，令到向来小饮咖啡既我都决定要特登去。系出面睇，Sleepless只系一间有啲欧陆风、以木材为主既普通Cafe，翻开Menu就会有惊喜，Menu上有各式各样口味独特既咖啡、Latte，其他咖啡店未必揾到，好似有蕃薯Latte、焙茶Latte、波子汽水Latte、Espresso Coke同Whisky Mocha等，价钱系$40-$80不等，而且加上唔同卡通图案既拉花，有我最钟意既龙猫、无面男之外，有期间限定既角落生物latte，好似小白熊同恐龙，打卡一流，相当吸引。另外顾客可自行提供图案做拉花，将要拉花嘅图案dm佢地ig/fb，由店家按复杂程度收费。唔只有提供多种咖啡，都有卖饭面、轻食同甜品，价位中上。步入店门，映入眼帘既系一张吧台，上面摆左唔同既酒，仲有唔同摆设，仲有啲佢地帮野食拍摄既海报，店铺虽小但五脏俱全，座位就唔算多，有一张长台同沙发卡位，另外仲有向窗既吧枱，见到铺左仲有提供衣架比客人挂衫。-1️⃣ Black Sesame Latte 💰52
铜锣湾最近系好多野食既希云街有一间人气拉花Cafe，呢间Sleepless前身系一间叫做R&C 既Cafe，改名之后主打各式图案既拉花咖啡，令到向来小饮咖啡既我都决定要特登去。
系出面睇，Sleepless只系一间有啲欧陆风、以木材为主既普通Cafe，翻开Menu就会有惊喜，Menu上有各式各样口味独特既咖啡、Latte，其他咖啡店未必揾到，好似有蕃薯Latte、焙茶Latte、波子汽水Latte、Espresso Coke同Whisky Mocha等，价钱系$40-$80不等，而且加上唔同卡通图案既拉花，有我最钟意既龙猫、无面男之外，有期间限定既角落生物latte，好似小白熊同恐龙，打卡一流，相当吸引。另外顾客可自行提供图案做拉花，将要拉花嘅图案dm佢地ig/fb，由店家按复杂程度收费。唔只有提供多种咖啡，都有卖饭面、轻食同甜品，价位中上。
步入店门，映入眼帘既系一张吧台，上面摆左唔同既酒，仲有唔同摆设，仲有啲佢地帮野食拍摄既海报，店铺虽小但五脏俱全，座位就唔算多，有一张长台同沙发卡位，另外仲有向窗既吧枱，见到铺左仲有提供衣架比客人挂衫。
-
1️⃣ Black Sesame Latte 💰52（👅: 8/10）
Black Sesame Latte
$52
38 浏览
1 赞好
0 留言
餐厅既拉花咖啡基本上口味都系固定左，因为佢系以食用色素绘画既图案，我黎呢度其实系为左龙猫同无面男，MENU上无面男系焙茶Latte，而龙猫就黎比较小见既黑芝麻Latte，经过一番争扎后，决定拣龙猫黑芝麻Latte。
Latte饮落芝麻味几香，芝麻味饮落唔会话太甜，而且唔会系好假嘅芝麻味，因为我自己唔太钟意饮咖啡，不过呢杯可以接受，芝麻同Latte融合得几好。
-
2️⃣ 3D Cappuccino 💰60（👅: 8/10）
3D Cappuccino
$60
23 浏览
1 赞好
0 留言
呢度随左卡通图案既拉花，最得意就系立体拉花，呢杯立体拉花特别在可以自己拣口味，唔一定Cappuccino，例如可以拣MENU上既Mocha、Latte、Flat White、strawberry latte等等。
3D Cappuccino
$60
13 浏览
1 赞好
0 留言
咖啡上有2只用奶泡整嘅熊仔伸左个头出黎，非常CUTE，影咗一阵相只熊都冇话塌落去，咖啡入口算系几香滑嘅Cappuccino，不过味道算淡，同埋奶会比较多。
-
3️⃣ Chocolate Brownie with ice cream 💰68（👅: 8/10）
Chocolate Brownie with ice cream
$68
33 浏览
1 赞好
0 留言
叫左比较人气既甜品之一朱古力布朗尼配雪糕。份量十足，Brownie上面嘅云呢拿雪糕好大个。Brownie甜度适中，朱古力味有但我觉得可以再浓郁啲，云呢拿雪糕食落系正常雪糕，因为Brownie系即叫即焗，雪糕同热热地嘅Brownie形成冰火交融嘅效果，如果雪糕奶味再重啲会更好，不过雪糕、Brownie同忌廉一齐食整体唔错，算系个发挥几好嘅Brownie。
-
4️⃣ Apple Crumble with ice cream 💰65（👅: 8/10）
Apple Crumble with ice cream
$65
18 浏览
1 赞好
0 留言
另一个比较人气既甜品系苹果金宝。呢个苹果金宝同样有一个份量好大嘅云呢拿雪糕，雪糕食落就同Brownie个个一样，苹果金宝食落温度足够，不过如果再热辣辣会更好食。甜度适中唔会话太甜，饼皮食落都松化，苹果如果再爽脆啲会更好。
-
🌟 因为我无食主食，净系食甜品，甜品黎讲系算唔错，而拉花随左有我最钟意既宫崎骏系列，仲有好得意既3D拉花，要数缺点就系店内位置比较少，地点唔算好远不过唔熟铜锣湾既人第一次未必识行去希云街。另外疫情期间都有外卖自取优惠服务。
-
👅味道: 8/10
🍴环境: 7.5/10
💰消费: $245 (服务费: 10%)
❗️每人最低消费一杯饮品
张贴
