老三火鍋雞煲海鮮放題

营业中

休息中

邻居介绍嘅老三火锅，疫情前已经食过。食物质素keep到但份量系少左。一开始上左个鸡煲可以选择辣度，记得要同姐姐讲加三宝。加左猪皮，鱿鱼，牛百叶一齐煮好快有得食，唔够再加鸡。之后要叫汤底，疫情前后最大分别系花胶鸡锅个份量少左。都明嘅，依家生意难做，餐厅其他食物质素真心唔错。会送个海鲜，多数有虾，鲍鱼，带子。老三嘅龙趸同鳝片系回本位，全部好新鲜，鱼肉有弹力。牛同猪依个价格唔会好高要求正常质素，佢啲饺，丸不过不失，都系主攻鱼。甜品有香港出品嘅海盐同咖啡雪糕，好多任食餐厅都会见到。