龍門冰室 (已結業)

今日去铜锣湾经过龙门冰室，又有啲肚饿，谂起呢间正评都比较多，同埋喺杂志好似又写过，所以今日特登嚟试，因为下午茶时段关系，叫咗两个瑞士鸡翼餐，里面有个炒蛋白汤意粉，另一个就火腿汤通粉，饮品就叫咗一杯热华田，另外一杯就叫咗冻嘅cappuccino。总括嚟讲个鸡翼好有水准，个瑞士汁甜甜地，我谂大人小朋友都一定钟意食。另外有惊喜嘅系个炒蛋白，因为比较少冰室或茶餐厅有蛋白叫，通常都系炒蛋，我以为佢可能都系得少量蛋白，但系佢个蛋白好大份，我谂有成三至四只鸡蛋嘅蛋白分量炒埋出嚟。其他就不过不失，而cappuccino都几好饮。 总括嚟讲因为个价钱都唔使80蚊，以咁嘅价钱喺铜锣湾食到个有特色又出名嘅餐，都真系抵食。