龍門冰室 (已結業)

牛头角龙门冰室，今次系慕名而去，之前系openrice见食评话佢地既猪仔包好食，咁岩同阿女去开附近，就去试试。间野装修都几好，唔似一般茶记无咩靓装饰，有我那些年既足球明星碧咸既大头相，仲会播英文歌，环境整体干净。同阿女两个人唔食得太多野，所以叫左一份香脆猪扒包餐，加6蚊配左杯红豆冰俾阿女。个包真系好好食，又厚又长，好脆，肉唔太厚但份量足够，无油腻感，加埋菜同牛油，又爽口又香，果然无叫错。唯一唔完美既系个面有少少烘耐左，有少少黑，未至于有大影响。另外仲叫左一份芝士焗西兰花、一份黑松露薯条，再叫左杯龙凤柠乐。个西兰花热辣辣，真系即叫即焗，几爽口，搞到阿女同我争食；个薯条唔算好突出，系个黑松露酱就好少茶餐厅可以叫到，系特色，味道可以。杯龙凤柠乐系咸柠配柠檬，俾罐装可乐自己倒入杯内，阿女见到咁就抢左黎饮，话咸咸甜甜好饮㖞。