SEDAP惹味馬拉 (已結業)

睇中午场前被指派要睇下食咩，咁就试下呢间系角落头开咗一排嘅惹味马拉。Menu上嘅「槟城龙凤配」一定系为好似我呢啲选择困难症患者以设，$48有无骨海南鸡饭、迷你槟城虾汤米粉、斑兰糯米糍，加$5仲有咖啡。听到都好丰富！吸引咗我同阿妈都叫呢个。上到菜，佢嘅份量都唔会将货就价。油饭都有大半碗，仲有四件滑滑海南鸡。鸡油饭比起白饭冇得输，如果再热身啲仲好。净系油鸡饭加豉油已经够我食大半碗饭。不过比起发我更加钟意食虾汤米粉，虾汤好浓郁，米粉吸晒精华超级好味。虽然叫做迷你，但系都有两只虾同埋配料。饮品就叫咗椰糖白咖啡正常发挥。嘢食真系抵食，不过令我却步俾唔俾好评系呢度嘅服务态度。我哋系一开店嘅第二台客，绝对唔系唔够人手。入到完全冇服务可言，落单木口木面，好似完全唔想so你。连阿爸都睇唔过眼系佢少少大力咁打开装餐具个柜，极晦气咁，一句说话都冇之后就走。如果你系想指示俾客人餐具喺边度，你大可以讲一句。