影片
更多
2022-10-20
118 浏览
难得疫情舒缓，可以同朋友出嚟饮下茶，今晚就拣咗喺湾仔新开分店嘅【龙点心】。全日有得饮茶都唔系新鲜事，不过见到佢哋装修走怀旧复古风格，再配合一系列嘅室内设计元素，十足十时光倒流，仲有啲喺外国Chinatown嘅感觉。【龙点心】以新鲜即制嘅手工点心作招徕，最近重推出多款矜贵宫廷点心。将经典矜贵食材糅合全新创意重新演绎，可以话系新派点心嘅代表，创意十足。而家湾仔店全新开业优惠，晚市六点后入座，即送手工制宫廷点心一客宫。水晶桂花糕 - 水嫩晶莹嘅桂花糕被造成桂花外表，除咗口感爽滑Q弹，仲有淡淡桂花香，原来仲有美白肌肤同埋化痰止咳嘅功效！芸豆卷 - 红白相间嘅颜色已经好吸引，一咬落去白芸豆外皮软绵绵嘅口感，同埋甜度刚刚好嘅红豆沙馅，一嚿真系唔够喉！紫薯山药糕 - 以白砂糖、紫薯、山药制成嘅软糯糕点，口感醇滑冰爽，想食返几件都唔过份。呢个汤采用名贵黑虎掌菌，汤色红亮而且汤头非常浓郁。一倒出嚟已经闻到香味扑鼻，菌味非常浓郁。黑虎掌菌肉质肥美、口感清香糯嫩，最重要嘅佢系富含营养，极具药用价值，食疗养生之选。南北杏采炖猪肺汤有补肺止咳，生津开胃，助人体迅速消除疲劳嘅功效，非常适合经常用脑又忙碌去挨更抵夜
难得疫情舒缓，可以同朋友出嚟饮下茶，今晚就拣咗喺湾仔新开分店嘅【龙点心】。
全日有得饮茶都唔系新鲜事，不过见到佢哋装修走怀旧复古风格，再配合一系列嘅室内设计元素，
十足十时光倒流，仲有啲喺外国Chinatown嘅感觉。
【龙点心】以新鲜即制嘅手工点心作招徕，最近重推出多款矜贵宫廷点心。
将经典矜贵食材糅合全新创意重新演绎，可以话系新派点心嘅代表，创意十足。
而家湾仔店全新开业优惠，晚市六点后入座，即送手工制宫廷点心一客宫。水晶桂花糕 - 水嫩晶莹嘅桂花糕被造成桂花外表，除咗口感爽滑Q弹，仲有淡淡桂花香，原来仲有美白肌肤同埋化痰止咳嘅功效！
芸豆卷 - 红白相间嘅颜色已经好吸引，一咬落去白芸豆外皮软绵绵嘅口感，同埋甜度刚刚好嘅红豆沙馅，一嚿真系唔够喉！
紫薯山药糕 - 以白砂糖、紫薯、山药制成嘅软糯糕点，口感醇滑冰爽，想食返几件都唔过份。
呢个汤采用名贵黑虎掌菌，汤色红亮而且汤头非常浓郁。
一倒出嚟已经闻到香味扑鼻，菌味非常浓郁。
黑虎掌菌肉质肥美、口感清香糯嫩，最重要嘅佢系富含营养，极具药用价值，食疗养生之选。
南北杏采炖猪肺汤有补肺止咳，生津开胃，助人体迅速消除疲劳嘅功效，非常适合经常用脑又忙碌去挨更抵夜嘅香港人。
虽然呢个汤唔算好特别，但最重要嘅系够晒足料，而且仲冇味精添，唔会越饮越口渴。坐低就有得饮，连汤包都唔使开，够晒方便。
未去到日本，真系饮茶都要食下鲜甜多汁的日本松叶蟹脚！真材实料，啖啖鲜味蟹肉，再配上饱满猪肉内馅，值得encore！
除咗长脚蟹，又点少得被称为大蒜中嘅「黑金」- 日本青森县黑蒜！天然蒜香，酸甜无刺激，配上同样鲜甜的带子及猪肉馅料，真系啖啖惊喜
非常有创意嘅菜式，第一次食黄椒酱配排骨。排骨鲜嫩，黄椒酱辣味轻但清香味浓郁，值得一试！
今日终于试到，呢个被称为「肠粉界的天花板」嘅脆脆富贵红米肠粉，外软内脆，虾仁爽口弹牙，爽呀！
虾酱配特级鲜鱿，竟然可以拎嚟整炸嘢，别具风味。钟意食香口嘢嘅朋友一定要叫。
近排天寒地冻，梗系要食返D热野暖暖身啦!龙趸又滑又肥美，酱油唔太咸但豆味浓郁，带出龙趸肉的鲜味。
今晚食完咁多菜式，绝对体会到龙点心师傅贯彻传承创新嘅宗旨。
以食材、味道、工艺著手创作出咁多好味又靓靓嘅新派手工点心。而且装修中非常之有心思，食到好𩠌之余仲可以打卡！
【龙点心】重推出手机app「龙点心」，唔使入会费，累积消费，就可以免费登记成为会员，
仲有总值 $150 迎新礼劵，未来亦有会员限定惊喜优惠，贴心服务。
张贴
