影片
更多
2016-10-08
306 浏览
前同事返嚟探我地，Happy Friday一于要食餐好！记得之前睇过报导，口碑唔错，一直都想试一试～打电话问过平日lunch冇得book位，所以我地一于早少少1pm前去到，好彩仲有最后一张四人枱！侍应方面目测都有3-4个，但似乎有少少手忙脚乱，唔知系咪新人呢...我地个set lunch上咗但个餐汤仲未嚟...不过整体上礼貌同态度都几好～食物方面，餐汤系南瓜汤，饮得出南瓜蓉，真材实料！面头仲加咗少少忌廉同香草，唔错！我点咗「Cook king汉堡包配鲜果田园沙律」：首先食咗鲜果田园沙律先: 有基本嘅车厘茄同菜之余仲有火龙果+一块桃肉，唔系罐头货色嘅杂果，太好了！但面头加粟米片...我个人就觉得唔系几夹...如果加返传统嘅芝士碎/面包粒会好d～酱汁带甜几特别，呢样我都OK～跟住到主角burger: 一攞上手真系几大个！连同事们都忍唔住要望住我咬落去哈哈！个包烘得几松脆，上面仲充满芝麻，成个burger我最欣赏就系块包～块汉堡扒都算合格，都juicy但冇乜惊艳之处...配料方面有厚切蕃茄、生菜同芝士，块芝士如果再厚d/多d芝味会更啱我呢个芝士怪=P不得不提入面嘅沙律酱系罕有地多，而且入面仲
记得之前睇过报导，口碑唔错，一直都想试一试～
打电话问过平日lunch冇得book位，所以我地一于早少少1pm前去到，好彩仲有最后一张四人枱！
侍应方面目测都有3-4个，但似乎有少少手忙脚乱，唔知系咪新人呢...
我地个set lunch上咗但个餐汤仲未嚟...
不过整体上礼貌同态度都几好～
食物方面，餐汤系南瓜汤，饮得出南瓜蓉，真材实料！
面头仲加咗少少忌廉同香草，唔错！
我点咗「Cook king汉堡包配鲜果田园沙律」：
Cook king汉堡包配鲜果田园沙律
$88
11 浏览
0 赞好
0 留言
但面头加粟米片...我个人就觉得唔系几夹...如果加返传统嘅芝士碎/面包粒会好d～
酱汁带甜几特别，呢样我都OK～
跟住到主角burger: 一攞上手真系几大个！连同事们都忍唔住要望住我咬落去哈哈！
个包烘得几松脆，上面仲充满芝麻，成个burger我最欣赏就系块包～
块汉堡扒都算合格，都juicy但冇乜惊艳之处...
配料方面有厚切蕃茄、生菜同芝士，块芝士如果再厚d/多d芝味会更啱我呢个芝士怪=P
不得不提入面嘅沙律酱系罕有地多，而且入面仲有类似蛋白嘅东东，似系自家制～
可惜我一向唔太钟意沙律酱，如果钟意沙律酱嘅朋友就不妨一试～
同事们就点咗「南蛮风脆炸鸡扒配特色沙律」、「香草煎蒜蓉猪扒饭配山贼汁」同埋「纽西兰西冷牛扒饭配山贼汁」，
佢地一致都话炸鸡扒、猪扒、牛扒都整得几好味。
顺带一提山贼汁原来系黑椒汁，真系menu唔写都唔知呀！
餐饮方面除咗例牌柠茶柠水之外，仲有蜂蜜青柠/西柚呢d特别少少嘅选择～
其中一位同事试咗即磨咖啡(意大利咖啡豆配明治4.3鲜奶)，
评语系果然好滑好多奶，钟意咖啡口感creamy嘅人就啱喇！
埋单先发觉唔驶加一，咁呢个价钱都真系唔错，性价比几高 ～
总结嚟讲都可以encore！
P.S. 食食吓讲开佢地又问我点解成日周围揾嘢食，都唔上openrice写吓食评？
好啦，见系你地，就为今餐写我第一篇食评啦！哈哈！
张贴
