巴西燒烤餐廳 (已結業)

今日 lunch 同同事去了尖东的巴西烧烤食 lunch buffet, 才$38, 加一后才$42，食得过，加上未食过巴西烧烤，试吓都好。 先来热盆，哗，黑椒鸡扒好嫩滑，黑椒汁香而不辣，正！烤猪骨，好惹味，不过同事拿的部位就好“鞋”。春卷，味道唔错，不过“林”咗，可惜！番茄肉片，都好味，不过是住家feel。烤番茄，一般，烤得唔够香。焗薯角，都麻麻，都系唔够香脆。乔麦面，冷面，ok，但汁方面淡咗d。再来主菜、小吃加沙律。炒饭和炒面都无乜料，不过都好味。菜心有沙，差！和风小食，味道怪怪哋。沙律就好好味，值得推介！已经开始饱饱哋，食甜品先！哈密瓜好多汁，唔错！仲有西瓜，不过我无食。蛋糕以mousse蛋糕为主，有朱古力、草莓、红豆、石板和薄荷。红豆和石板枯清，我试了朱古力、草莓和薄荷。前两种大路都ok，薄荷就太淡了，又“漏”，味道更被底下的杏片抢晒，差、差、差！桂花糕、杏仁豆腐和朱古力奶油蛋糕都值得推介！紫色的那件真的食不出是甚么味，得个甜字，不知所谓！焗蛋糕和啫厘糖都淡到你估唔到！不过 $42 食 lunch buffet 仲有餐饮送，仲想点吖？！算系咁啦！好饱。