影片
更多
2022-07-02
1113 浏览
呢日做信差，专程拎野去美林邨俾长辈长辈带我去佢嘅饭堂食鸡煲、打边炉餐厅喺屋苑入边嘅冬菇亭，好耐冇去过冬菇亭食嘢喇～《鸡煲·火锅放题》主要有3个价格$208/ $288/ $348 火锅配料任食，啤酒汽水任饮价格越贵，肉类嘅选择越多，级数亦越高啦～～～$288 & $348 仲包埋串烧放题，同样价格越贵，串烧选择越多如果唔食鸡煲嘅话，仲可以加$20转烤鱼我哋拣咗最经济嘅$208虽然无咗串烧放题，不过每人都可以自选3款串烧我哋拣咗特上牛脊肉、五花肉、安格斯牛粒串、蒜蓉烧生蚝、蒜蓉烧扇贝、盐烧海虾啲海鲜烧烤都唔错啵，见到其他枱升级咗串烧放题嘅客人不停order 🦪🦐 ，钟意食海鲜嘅朋友真系唔好错过～呢到嘅《鸡煲·火锅放题》系先食鸡煲，后打边炉即炒麻辣鸡煲，辣度可以拣大、中、小辣或者唔辣，我哋拣咗小辣上枱时店员话鸡件已经八成熟，加热3至4分钟就可以食㗎喇～鸡煲仲加咗洋葱同芫荽，加热之后香味浓郁，呢个小辣我完全接受到，而且鸡唔会太咸，就咁食，唔使送饭都可以 😋鸡煲食到差唔多，店员会再捧嚟一锅边炉汤底(汤底选择有: 花胶鸡浓汤、蕃茄猪骨汤、怀旧醉鸡煲、四川麻辣汤及特浓沙嗲浓汤)我哋拣咗花胶鸡浓汤，
长辈带我去佢嘅饭堂食鸡煲、打边炉
餐厅喺屋苑入边嘅冬菇亭，好耐冇去过冬菇亭食嘢喇～
《鸡煲·火锅放题》主要有3个价格
$208/ $288/ $348
火锅配料任食，啤酒汽水任饮
价格越贵，肉类嘅选择越多，级数亦越高啦～～～
$288 & $348 仲包埋串烧放题，同样价格越贵，串烧选择越多
如果唔食鸡煲嘅话，仲可以加$20转烤鱼
我哋拣咗最经济嘅$208
虽然无咗串烧放题，不过每人都可以自选3款串烧
我哋拣咗特上牛脊肉、五花肉、安格斯牛粒串、蒜蓉烧生蚝、蒜蓉烧扇贝、盐烧海虾
啲海鲜烧烤都唔错啵，见到其他枱升级咗串烧放题嘅客人不停order 🦪🦐 ，钟意食海鲜嘅朋友真系唔好错过～
呢到嘅《鸡煲·火锅放题》系先食鸡煲，后打边炉
即炒麻辣鸡煲，辣度可以拣大、中、小辣或者唔辣，我哋拣咗小辣
上枱时店员话鸡件已经八成熟，加热3至4分钟就可以食㗎喇～鸡煲仲加咗洋葱同芫荽，加热之后香味浓郁，呢个小辣我完全接受到，而且鸡唔会太咸，就咁食，唔使送饭都可以 😋
鸡煲食到差唔多，店员会再捧嚟一锅边炉汤底
(汤底选择有: 花胶鸡浓汤、蕃茄猪骨汤、怀旧醉鸡煲、四川麻辣汤及特浓沙嗲浓汤)
我哋拣咗花胶鸡浓汤，有两条花胶㗎～～～
$208 嘅3款任食肉类包括安格斯肩胛牛肉、安格斯牛板腱 & 西班牙黑毛猪
另外，特别推介嘅火锅配料如下：
迷你时令蔬菜篮 🥬🌽🧺 ：有唐生菜、油麦菜及粟米，啲菜够新鲜，同埋份量一啲都唔迷你lor~
墨鱼仔：墨鱼仔嘅𠝹花𠝹得好靓呢 🌼🦑
鲜柏叶：几爽口
手打丸类：试咗牛筋丸同虾丸，手打口感爽弹
陈皮鱼蛋：陈皮味十足
午餐肉：呢个系长辈嘅推介，我之前好少打边炉叫午餐肉，但原来啲肉几嫩滑，几好味㖞～有啲惊喜呢～🤩
松叶蟹柳：本人打边炉例牌会order 嘅
即炸鱼皮：够香脆，浸入汤底3秒即食 👍🏻👍🏻
至于呢度嘅啤酒汽水任饮，饮品选择都几丰富，有汽水，清凉爽，马蹄爽，多款有糖果茶及无糖茶类
$208 有串烧，有鸡煲，又有得打边炉
☝🏼个价钱满足🤟🏼个愿望，性价比非常高呢！
长辈话下次嘅家庭聚会，可以多啲人嚟再食过，热闹啲！
张贴
