甜品老媽 (已結業)

以下系小弟一年前的经历，希望仍能登出。甜品老妈除左甜品外，其实做lunch都ok，总有d餐拣得落手，例如台式牛肉面，土匪鸡球饭等;牛肉面一向系水准之作，汤浓，牛展够厚够"淋"，几乎每次去都叫;点知有1次，牛肉面个汤淡而无味，以为系咁岩失手吧，下次再叫过la;到左"下次"，再叫牛肉面，个汤依然淡而无味......食完比钱，好心同老妈讲声，提提佢改善下，谁知对方竟用以下原因作藉口:1~老妈唔食牛肉，所以无试味 (咁你请d厨师返黎做乜？如果连试都无试过你凭乜卖比客？)2~佢地唔用味精，所以会清淡d (而家唔系清，而系淡而无味...你话唔落味精所以无味，咁即系之前食过几次浓味ge系落左味精？另外如果唔落味精就淡到咁，咁屋企d住家菜咪全部都无味？简直严重侮辱客人智慧!!)自此，就无再去食野了。其实佢生意咁好，无左我地4，5个客都无问题，但觉得出黎做生意，仲要咁多人食ge铺头点解连少少气度都无？客人善意提醒，唔系为左唔比钱，唔系为左要你换过其他野比我食，但就连唔好意思都无句，只系不断谂d咁ge藉口去侮辱食客们的智慧......其实讲句"唔好意思ar，我会跟进下原因"系咪真系咁难开口？