影片
更多
2013-01-02
444 浏览
Hehee~~ 第一次帮店舖写第一篇食评~之前果日(年尾),帮老豆计下佢过往一年起股场赚左几多钱~计完之后讲笑咁同佢讲: 好野~赚到咁多,不如请食饭啦~点知老豆第2日真系请我地食饭~本来谂住平少少去食Saizeriya~但老豆忽然提议话去食寿司.其实起慈云山想食寿司,真的选择不多..所以我地食寿司都钟意去土瓜湾某店外卖自取,又或者去其他区堂食.虽然上个月开左元气寿司,但系平果D都要$9得一件仔,我地呢班大胃王一定食到老豆破产后来老豆谂起慈云山前排都开左间小店,就话不如坐车去土瓜湾之前望下呢间OK唔OK先~其实我之前已经谂住去试下,不过间店超细,起门口行过发现好少野食.今次入去,发现除了店舖放左少少款式起自取冷藏柜外,原来有外卖纸比客人叫,蠢左tim睇果2张外卖纸,估唔到细细间都几多款寿司可以选择,我仲有D担心佢够唔够存货而问佢系唔系外卖纸上的都有,大师傅佢话系,而后来我叫的,通通都有.不过佢张外卖纸就无写到佢店舖卖果几款清酒.虽然间舖好近我屋企,但系佢买满$150就可以送外卖,咁我地呢d懒人紧系叫佢送上门啦~我拎走果2张外卖纸就起家中操刀,叫了100件寿司同8片三文鱼~因为今日系1月1
之前果日(年尾),帮老豆计下佢过往一年起股场赚左几多钱~
计完之后讲笑咁同佢讲: 好野~赚到咁多,不如请食饭啦~
点知老豆第2日真系请我地食饭~本来谂住平少少去食Saizeriya~
但老豆忽然提议话去食寿司.其实起慈云山想食寿司,真的选择不多..
所以我地食寿司都钟意去土瓜湾某店外卖自取,又或者去其他区堂食.
虽然上个月开左元气寿司,但系平果D都要$9得一件仔,我地呢班大胃王一定食到老豆破产
后来老豆谂起慈云山前排都开左间小店,就话不如坐车去土瓜湾之前望下呢间OK唔OK先~
其实我之前已经谂住去试下,不过间店超细,起门口行过发现好少野食.
今次入去,发现除了店舖放左少少款式起自取冷藏柜外,原来有外卖纸比客人叫,蠢左tim
睇果2张外卖纸,估唔到细细间都几多款寿司可以选择,
我仲有D担心佢够唔够存货而问佢系唔系外卖纸上的都有,大师傅佢话系,而后来我叫的,通通都有.
不过佢张外卖纸就无写到佢店舖卖果几款清酒.
虽然间舖好近我屋企,但系佢买满$150就可以送外卖,咁我地呢d懒人紧系叫佢送上门啦~
我拎走果2张外卖纸就起家中操刀,叫了100件寿司同8片三文鱼~
因为今日系1月1日,好多人落order,师傅一早同我地讲左7:30至8:00pm最繁忙,计埋运送时间可能等半个钟.
咁我就去跑步,谂住跑到8点叫外卖,冲完凉刚好有得食~我有一句格言,就是"做运动,是为了吃更多好野">3<
跑完落order,一轮咀噙完晒,师傅佢再覆返我,全对~
叫佢比多d豉油同wasabi,佢话无问题,仲话有咩野可以随时再打来,
不过佢话今晚忙加上我地叫咁多,佢话要等30-35mins.最后比原定时间迟少少,小师傅就送上门啦.
小师傅话万一漏左单,不妨打电话,佢地会再送上门,不过我食完睇返相数下,佢地一件都无漏
因为要赶住食,所以盖都未开,只系帮佢地高空咁影左一张大合照就开动了~
所以右上角果盒同花之恋比个盖压到有点样衰,但打开盖个卖相是OK的~
好~真正食评来了~
樱花鱿鱼,蟹籽,芥辣八爪鱼,酢鲭鱼,希灵鱼,三文鱼籽: 同普通寿司店的份量质素差不多.
花之恋: 三文鱼多,不过我嫌蛋黄酱唔够多,因为我好钟意食果d酱. >v<
三文鱼寿司/刺身: 呢款寿司叫得最多,件件都切得好整齐,厚度正正常常. 刺身新鲜,不过就无切得件件厚度一样.
熟帆立贝: 估唔到用料都几重手~GOOD~我地叫左4件,其中一件D色较深(唔知点解),反正我避开左佢.
馒鱼寿司: 我觉得很一般,只味唔够浓.
蟹籽沙律寿司: 呢个系我最爱的寿司款式中头几项必叫的.相比之下,我觉得此店做的很一般哦,下次唔会再叫~
吞拿鱼寿司: 其实屋企人包括我不特别喜欢吃吞拿鱼的,但总是会叫.真系估唔到佢竟然厚切.比我地浪费晒...>_<
卷类系一条咁叫,再因应类型切开6至8件.
加州反卷, 软壳蟹牛油果反卷: OK
芝士炸虾反卷: 咁多寿司入面最好食,芝士有火灸过,虽然送到我家中芝士已经唔太暖同稠返,但依然好味,尤其炸虾~必叫~!
什锦太卷: 呢个有D甜,都好食ge.系咁多寿司入面最大件,明知易散,但大口怪都要被迫分2口食.
仲有好几款寿司(墨鱼,芝麻八爪鱼,味付螺肉,海胆,铁火卷)叫左但无食,单看卖相是OK的.
吞拿鱼沙津寿司:都无食,单睇个样好似好稠.
总结:
服务: 很好,由大师傅起店舖介绍,电话落单果位(唔知系唔系都系大师傅),同送外卖的小师傅,通通都好有礼貌~
食物质素: 早前慈云山中心果间开左无耐又折左的寿司店,不知是否接近独市经营,件件寿司size都切得大小不一,还有偷工减料之嫌.所以我今次对呢间新店不抱太大期望.
但估唔到佢件件寿司都切得好平均.虽然相比其他寿司店不是特别好,但以这个价格来说,确实不错哦~尤其某几款出手很阔绰!
唔计果2客切身($28/客),平均每件寿司都只系$5.87/件.
相比一般中挡次堂食寿司店,水准拍得住.美中不足系D紫菜点都有D软.
相比外卖自取的.水准同份量一定高过百佳,争鲜果d...(上个月,试过食争鲜,d寿司细到....d味淡到....食完唔觉得自己有食过...)
同专门的外卖自取寿司店比(其实我只食过土瓜湾果间,连名都唔知)爸爸话好似贵左dd~
份量: 我是大胃王女生,吃了18件+2片鱼生.饱到顶住个胃顶左好几个钟...肥兄很早就停口了,175磅的肥弟都说吃得超饱,但老豆说距离饱肚还欠3件,佢地每人吃了近25件.最后留左8件比夜归的妈妈做宵夜,但食唔晒~总共洗左$643.
我下次会再试下佢地d鱼生饭~
张贴
