Mini Jobs (已結業)

星座冰沙分享杯 $28葵涌商场，续篇👉🏻👉🏻👉🏻当饮完Little jobs 嘅彩虹冰沙之后，真系转个弯，又黎个Mini jobs😂（好多jobs呀）产品同Little Jobs 似但又有啲唔一样；Mini jobs 嘅产品有：风靡一时嘅奶樽奶茶，特色刨冰杯，冰沙，乳酪雪芭，梳打系列同分享杯！嗯，自选味道分享杯好似系边到见过.？但又记唔起，系香港？定台北呢！都几得意，但令我饮完仲试嘅系佢地新推出嘅星座梳打，都几搞野，每个星座都有特定味道，我就当然拣咗我嘅星座味道之后，另一边就拣咗巨蟹座嘅草莓味（胜在味道安全）！饮品调配后好可爱，一边底系黄色，上面系紫色；另一边系红色底紫色面，两边嘅上层都采用咗蝶豆花，够晒天然（唔驶惊色素），味道都唔算差，甜咗少少咁大把，啲咁嘅饮品摆明相机食先🙈其实都几好呀，一杯饮品可以有2种味道，同闺蜜一齐饮或者你钟意同你爱人饮都得，自己拣啦！不过如果你好似苹果干咁，独女一个啲话，唔紧要，星座梳打仲有袋装，一于点个袋装自己饮！