稻香 (已結業)

好耐冇食稻香，因为个价钱都几贵，但适逢呢排做坚1蚊1只鸡，所以就去试下。听人讲只鸡系炸子鸡，仲要原只上自己用手拆，我就冇乜所谓，用手食仲正，不过听人讲如果叫佢拎返入去斩就要收返你正价，可能有人试过啦。我哋两个人食，叫咗一只鸡同一个杂菜煲，个煲既份量都算几大，不过味道淡左啲，但佢啲花胶都几多，同埋都几大块，而只鸡真系唔错，个皮好脆，佢会连埋一对手套俾你，一拆开只鸡好多鸡汁流出来，正。不过好老实，啲侍应既态度就真系麻麻地。