Paper Stone Bakery (已結業)

将军澳站附近大部分既面包舖都系属于大集团旗下，啲包来来去去都系个几味，真系你唔闷我都闷。不过总有例外，例如呢间主打法国面包既Paper Stone。Paper Stone 系Popcorn 开左几个月, 以工业风作为舖头入面既装修风格。店入面唔单止有面包卖，仲有蛋榚，咖啡可以食到，所以舖头入面都专登间左个位黎俾客人堂食。佢地既法包有分用唔同食材，唔同硬度，重量等等，啲资料有齐哂系价钱牌上面。客人可以因应自己既口味去选择适合自己既法包。唔识点拣都唔紧要，因为呢度系可以试食架，有几款切定摆系度俾人试，冇个款试的话问下店员可唔可以试就得。当然除左法包Paper Stone都仲有唔少既面包任君选择个人觉得啲面包系几新鲜既，食过系比breadxalk 等等既包来得好食(以同等价钱黎讲)今次去买左芝士法包，外表上感觉份量唔系好多，但系切开一睇，入面系软熟而厚实既面包，仲有足料既芝士粒，本身谂住当小食咁食小小一阵再食正餐，但系食食下连正餐都可以唔驶食，饱到我呢(^-^),虽然价钱偏贵但偶尔豪一次都ok 既下次可以买几款面包返屋企，实行玩面包放提都好㖞