蠔站 (將軍澳中心) (已結業)

📍蚝站蚝站已经开左好多间分店，最主打一定系$10一只生蚝，除左生蚝之外，其实入面既lunch set性价比都好高，咁吸引一定要黎试下。👅法国生蚝Tatihou $120/打一上枱绝对唔失礼，摆盘都唔会马虎，法国生蚝都唔算细只，食到淡淡既海水味，开得算干净，整体质数都唔错，秒速就扫清光，讲真，十蚊一只仲想点！👅石烧蒜片牛柳粒 $108牛柳粒份量都唔少，食入口虽然牛味唔算好突出，但绝对唔韧，反而仲好软稔，连埋蒜片一齐食就更加惹味。👅石烧澳洲西冷牛扒 $148牛扒有12安士，拣左5成熟，切开块扒入面都系偏粉嫩，可以用石烧板再调较生熟程度，如果钟意食牛味重d既朋友应该一定好岩，牛质都唔会太鞋口。