城景閣

营业中

休息中

同男朋友屋企人亲友一行十人，去左城景食自助晚餐。款式唔系特别多，但系四送一既价钱，可以话抵食。最正好食既系生蚝，海胆，蟹脚，鱼生，唔使煮，佢好新鲜下。我有狂食蟹脚，回下本。海胆就一人得一板咋。熟食款式都多，我自己唔系特别好熟食。食左咖喱蟹⋯ 就麻麻地。仲有厨师切西冷扒，肉唔系好咬得开，但味道几好。最伏系叫左半碗，筑地水蟹粥，粥得粟米味，无蟹味。有个海胆焗芝士野菌镶鸡翼，无得试，去到就俾人扫晒。我都系七点九度去罗野食者⋯记得罗左先。甜品有燕窝流心芒果布甸，特别正，因为布甸入面都系燕窝。牛奶布甸我系最爱既，呢间就好普通，无咩奶味。雪糕就系MOVE PICK，有最大路果几种味，六七只度。甜品选择唔算好多。另外，仲有waffle，我就无试呢个 惊太饱。汤有中西， 西式汤好似叫鲍鱼花胶XXX汤，料好多，偏咸，味道就可以咁。中汤就劲普通，红萝白猪肉汤咁。食自助餐最忌饮汤饮饱左，但我系劲钟意饮汤既人，所以实试。可惜两个汤都麻麻。环境，地方唔系好大。我地订位坐走廊位，都算静既。