澳瑪葡國菜 (已結業)

约左几个月，终于齐人！纪念相识十周年，就系tst揾左间海景餐厅食葡国菜。好可惜就算book位讲定要海景位，但唔知系咪餐厅太full, 最后都无比到。人到先比面包，有个朋友迟到，问waiter可唔可以上定，佢答人黎到自然会比，就如风一般走左。嗯。。。态度有待改善。 面包配合牛油，不过不失。叫左炸马介休薯球，薯蓉软绵绵，味道够浓，值得试下。跟住叫左个沙律，沙律汁好开胃，餐前唔错嘅选择，但墨鱼唔够爽脆，要咬好耐先得。主菜叫左个焗鸭饭，waiter 上菜时，我以为饭会好干，好硬，但食落有惊喜，饭吸晒肉汁嘅味道，饭软硬适中，yummy yummy .招牌炭烧霹雳春鸡，个名改得好特别😂😂，鸡好嫩滑，但唔觉有惊喜，同外面食开烧春鸡大致一样。火焰葡式肉肠，好咸，waiter 现场用火烧肉肠，咸香咸香嘅味道，食完要饮好多水。lol黎到无理由唔试下出名蛋挞，得返原味可以简，无流心蛋浆，色泽好靓，好吸引，但唔算好好食。