影片
更多
2018-08-19
2068 浏览
今日好特别，一朝早返到去就已经谂住晏昼食啲乜，因为我秘书少有地请我地食 lunch ，好兴奋。识咗佢10几年，但系我真系谂唔到上一次佢请我食lunch系几时。一路都喺度谂，究竟佢会请我去边度食lunch，到一点钟𠮶阵时先开估，原来系我之前嚟过几次嘅鮨野Sushi Ono。不过我都好耐冇嚟过，之前果几次都系上年发生嘅事。今日入到黎同之前嘅感觉非常之唔同，因为餐厅全场爆晒，加上有四个寿司师傅，我印象中之前冇咁多寿司师傅。餐厅嘅装修都几唔错，我发现佢好似加咗四条柱喺个电梯大堂同啲凳中间，我觉得做法好聪明，一来𠮶四条柱有啲日式嘅感觉，提升咗餐厅内既装修。二来可以将餐厅部份同埋电梯大堂分隔。仲可以提供一个等候区俾未入座嘅人客，唔会骚扰到已经坐咗喺度嘅人客。我叫咗个刺身餐，我秘书同埋其他同事就叫咗寿司餐。首先来嘅系蒸蛋丶沙律同面豉汤。啲蛋好滑，有真蟹肉丶菇等，味道非常清甜。个沙律面头落咗一啲类似浓味嘅虾片，都几特别，食落去𠮶阵时都几有咬口，几好。啲汁亦唔会太酸。面豉汤里面有三种菇，都做得几用心。之后就轮到刺身。每一种刺身折法都唔同，厚薄都唔同。其中一种刺身叫平政鱼，我孤陋寡闻，都未食过呢种鱼。平政
餐厅嘅装修都几唔错，我发现佢好似加咗四条柱喺个电梯大堂同啲凳中间，我觉得做法好聪明，一来𠮶四条柱有啲日式嘅感觉，提升咗餐厅内既装修。二来可以将餐厅部份同埋电梯大堂分隔。仲可以提供一个等候区俾未入座嘅人客，唔会骚扰到已经坐咗喺度嘅人客。
我叫咗个刺身餐，我秘书同埋其他同事就叫咗寿司餐。
首先来嘅系蒸蛋丶沙律同面豉汤。啲蛋好滑，有真蟹肉丶菇等，味道非常清甜。个沙律面头落咗一啲类似浓味嘅虾片，都几特别，食落去𠮶阵时都几有咬口，几好。啲汁亦唔会太酸。面豉汤里面有三种菇，都做得几用心。
之后就轮到刺身。每一种刺身折法都唔同，厚薄都唔同。其中一种刺身叫平政鱼，我孤陋寡闻，都未食过呢种鱼。平政鱼刺身做法好特别，里面包咗一啲用紫菜做嘅酱。食落去平政鱼刺身嘅质地比较爽。深海池鱼刺身切得好大粒，鱼肉都非常之肥，食落去口感非常好，好食，一啲都唔腥。甜虾味道非常之浓，味道很好。相信系用咗啲虾膏，放咗喺虾肉上边。吞拿鱼腩（大拖罗）同其他大拖罗都系一样，有一啲根，所以我不嬲都唔系大拖罗嘅fans，不过拖罗都好新鲜。
最后，仲有雪糕，但系个雪糕好硬。
寿司师傅同埋侍应嘅服务态度都好。由于我唔清楚𠮶啲鱼系啲乜嘢鱼，所以我每食完一旧都有问一问师傅𠮶旧系咩鱼，师傅虽然忙于为其他客人做寿司，但系佢都好有礼貌咁同我解释。我叫个餐𠮶阵时同侍应讲想要多碗饭。佢就话：「一阵间你食完碗饭𠮶阵时我帮你添饭啦！」系我未食完我碗饭𠮶阵佢就已经问我要唔要添饭。
多谢我秘书请食晏，同将一间我久违嘅餐厅再次联上。
总结
- 我秘书少有地请我地食 lunch ，好兴奋
- 今日入到餐室同之前嘅感觉非常之唔同，因为餐厅爆晒同埋有四个寿司师傅
- 餐厅嘅装修都几唔错
- 有四条柱喺个电梯大堂同啲凳中间，做法聪明而美观
- 推介 : 刺身餐
- 蒸蛋蛋好滑，有真蟹肉丶菇，味道非常清甜
- 沙律食落去𠮶阵时都几有咬口，几好
- 面豉汤里面有三种菇，都做得几用心
- 每一种刺身折法都唔用
- 平政鱼刺身同深海池鱼刺身都好食，甜虾味道非常之浓
- 服务态度好
蒸蛋
24 浏览
0 赞好
0 留言
刺身
34 浏览
0 赞好
0 留言
平政鱼
44 浏览
0 赞好
0 留言
深海池鱼
16 浏览
0 赞好
0 留言
张贴
