蠔站 (黃金廣場) (已結業)

男朋友想食生蚝，难得铜锣湾有就即刻黎，我地叫左半打新鲜即食法国fine de claire生蚝，无念过细细只个鲜甜味都可以咁浓郁，柠檬汁同茄汁都唔洗落都够晒好味，每只即开都只系10蚊，真系超抵，由于餐厅未有酒牌，大力建议你地自备酒水黎慢慢饮🍷主菜叫左个卡邦尼忌廉长通粉，我中意佢有得拣长通粉、扁意粉同天使面，卡邦尼非常奶滑，长通粉仲可以每条都沾到芝士忌廉汁，搭配埋炒香左既烟肉同香草，上枱香味四溢，仲有片片芝士，真系超好味😋😋男朋友拣既白酒香蒜辣椒蚬肉扁意粉同样出色，蚬肉大只无沙，洋葱同三色椒炒香左十分之惹味，辣椒味又唔呛喉，所以mix埋就好正😍