蠔站 (樂富廣場) (已結業)

同屋企人庆祝生日，事隔四个零月再过嚟食lunch。唔钟意set lunch上面嘅选择，所以散叫，反正有七折。叫咗个白酒蒜蓉蚬扁意粉，啲蚬唔算甜又有啲un，扁意粉都煮到有啲烟韧，个人口味比较钟意林少少。先叫咗有优惠嘅$120半打蚝（原价$39~1只）韩国蚝还好，个样都唔错，另一只纽西兰蚝只系得蚝皮，唔得。首先叫咗蚝同埋意粉同埋一只焗猪手，食完啲蚝先至叫多一打$10生蚝，结果猪手同埋意粉都先上，猪手唔知系咪之前一晚做好，送到来时候又赶唔切即刻食，摆到唔系好热嘅时候食，啲皮硬到咬唔郁。如果要食生蚝，真系要考虑清楚order嘅次序。另外叫多两杯酒，七折三个人买单八百几，意料之内，不过唔算最好食嘅一次。