影片
更多
2023-09-22
3197 浏览
如果你又钟意食烧肉🐮，又钟意玩，呢间和牛烧肉一郎就绝对啱晒你啦。佢有新干线送烧肉🚅，玩味十足。 门口位置有牛牛扇同埋颜色册可以随客人自取，啱晒有小朋友嘅客人。 呢度分咗6个唔同价钱嘅套餐，之前试过个D course，今次试吓个C course，每位$368，100分钟任食，每台有1客日本产黑毛和牛2款+澳洲M9 薄炙盛合，另外有精选海鲜、豚、牛、鸡。不过如果论性价比，个人认为D course 会抵食好多，虽然价钱贵啲，不过款式同牛嘅质素真系高好多，而且时间又长啲。 职员先送上和牛里脊肉、和牛牛肋肉同澳洲M9 薄炙，和牛脂肪比例都几均匀，油香十足，肉质几嫩滑。 客人仲可以扫一扫和牛识别码搜寻到牛只详细资料，例如：产地、年份，保证客人食到真正嘅和牛。 除咗职员送上嘅和牛之外，客人亦可以透过QR Code 自助落单。款式有牛刺身、名物、特选牛、豚肉🐖、野菜、鸡肉、一郎料理、凉拌小食、海鲜、饭汤面🍜。 自助吧有爆谷🍿、棉花糖，棉花糖上面仲有牛牛公仔，十分之可爱。 沙律吧有多款唔同嘅沙律🥗，颜色翠绿，蔬菜新鲜鲜甜，而且全部都用盖遮住，确保干净衞生。 饮品方面都有好多唔同嘅罐装饮品，又有咖啡机☕️，
如果你又钟意食烧肉🐮，又钟意玩，呢间和牛烧肉一郎就绝对啱晒你啦。佢有新干线送烧肉🚅，玩味十足。
门口位置有牛牛扇同埋颜色册可以随客人自取，啱晒有小朋友嘅客人。
呢度分咗6个唔同价钱嘅套餐，之前试过个D course，今次试吓个C course，每位$368，100分钟任食，每台有1客日本产黑毛和牛2款+澳洲M9 薄炙盛合，另外有精选海鲜、豚、牛、鸡。不过如果论性价比，个人认为D course 会抵食好多，虽然价钱贵啲，不过款式同牛嘅质素真系高好多，而且时间又长啲。
职员先送上和牛里脊肉、和牛牛肋肉同澳洲M9 薄炙，和牛脂肪比例都几均匀，油香十足，肉质几嫩滑。
客人仲可以扫一扫和牛识别码搜寻到牛只详细资料，例如：产地、年份，保证客人食到真正嘅和牛。
除咗职员送上嘅和牛之外，客人亦可以透过QR Code 自助落单。款式有牛刺身、名物、特选牛、豚肉🐖、野菜、鸡肉、一郎料理、凉拌小食、海鲜、饭汤面🍜。
自助吧有爆谷🍿、棉花糖，棉花糖上面仲有牛牛公仔，十分之可爱。
沙律吧有多款唔同嘅沙律🥗，颜色翠绿，蔬菜新鲜鲜甜，而且全部都用盖遮住，确保干净衞生。
饮品方面都有好多唔同嘅罐装饮品，又有咖啡机☕️，同埋多款茶包可以冲茶嚟饮🍵。
甜品方面有多款唔同日本雪条，例如：日本明治栗子红豆、明治海盐荔枝、日本明治角十棒四方梳打味、白桃乌龙、蓝莓乳酪味、炼乳红豆雪条、栗子红豆，除咗雪条之外，仲有杯装雪糕， 冲绳海盐味、朱古力、豆腐味、绿茶味， 款式非常之多。
除咗啲日式雪条之外，仲有啲自家制嘅小甜品，意式Tiramisu、木糠布甸、芝士布甸、迷你杯子蛋糕🧁。每款都会写明制造期限同赏味期限，客人可以放心食用。
呢度仲有部好大型嘅棉花糖机，非常吸引，原来有几十款唔同嘅造型同味道可以拣，真系令人花多眼乱😍 啱晒打卡！
张贴
