Forever 友緣西餐 (已結業)

辛辛苦苦返左五日工, 放假梗系训到自然醒然后揾野食啦....最近成日喺元朗揾食. 呢间餐厅评价都好高, 又喺元朗千色后面啫, 所以就来负责我地今日嘅早午餐啦。餐汤都几特别 系忌廉青瓜汤, 不过一D 都冇青嘅草青味, 但就有少少青瓜嘅清香味,比普通忌廉汤稀一点,味道就淡口。餐包系热辣辣嘅丹麦多士, 表皮脆, 内里软熟,不过唔重牛油味嘅。加拿大黑毛猪胺配苹果蓉, 肉厚有肉汁, 反而喜欢佢配嘅苹果蓉多过个烧汁, 苹果汁嘅清甜味配肉 会开胃好多添。纽西兰顶级肉眼扒,叫左7 成熟无over cook, 松软唔重牛味, 呢个价钱都算合格。有好多特饮可以选, 都只系加10 蚊, 好吸引!黄色嘅热情恒久,系热情果冲 配乳酸梳打, 系无敌, 热情果实好味, 入面重有小小爆珠绿色O既系永恒宝石, 青苹果味反而就甜左D 。其实真系不得不赞FOREVER 的服务, 每一个服务员都好温柔声, 仲细心问会唔会大风, 放低每道菜都讲一讲,其实简单一句问候都会令人记得咖喇。