羽山冰室 (已結業)

经常去羽山冰室食早餐，又平又正又抵食，两个餐食到饱饱100蚊有找，边度揾？今次介绍两款好食夹抵食嘅早餐。鱼柳并汉堡扒炒蛋早餐 Morning早餐有面、米粉、扒等，我就拣咗扒，鱼柳并汉堡扒炒蛋。价钱系一般早餐价，但食嘅系all day breakfast格局，有多士、炒滑蛋、茄汁焗豆、沙律菜，鱼柳炸得好脆好嫩，仲有淡淡鱼香味，正！香葱咸牛肉芝蛋治 另一款包类早餐有蛋治、餐蛋治、芝腿治、猪扒包等选择，我哋就拣咗香葱咸牛肉芝蛋治，烘底。蛋治馅料足，咸牛肉惹味足料，散发浓浓葱香味，最惊喜系炒蛋超厚，面包其实都唔薄，但都hold唔住啲炒蛋，食到有啲论尽，但食完非常满足。即磨咖啡好滑，好香咖啡味。👍🏻