影片
更多
2020-10-09
578 浏览
十月, 又到左本小姐生日既月份! 本来买左机票谂住飞日本庆生, 去唔成唯有食返餐好既日本菜补返数!朋友食过呢间, 非常推荐佢地既omakase, 所以我都book黎试试~估唔到都几full啵! 当晚餐厅系fullbooking! 咁都证明我冇拣错haha!我地今次拣左$1380既金set, 包括前菜、冷盘、刺身七点、碗物、天妇罗四点、寿司、和熟食和甜品前菜~由左至右食起, 味道由淡到浓(左) 蟹膏x 鱼片, 出奇地夹! 块鱼片劲脆口!(中) 汁煮八爪鱼, 味道有DD甜, 八瓜鱼腍得来又好弹牙(右) 水云醋煮白梅贝, 质感有D似鲍鱼, 味道带少少酒香冷盘: 卖相好精美!!! 系鳢鱼(熟嘅)配梅酱 , 口感实净, 冇骨, 味道好特别, 油脂感都重然后系刺身七点: 吞拿鱼脸颊、拖罗、平成鲷鱼、油甘鱼、北寄贝、海胆配炙烧帆立贝…样样都好新鲜鲜甜, 全部都系厚切的, 很高水准!最回味系拖罗, 满口油花~ 平成鲷味道好特别, 质感好滑, 口感有少少似墨鱼~北奇贝很爽脆鲜甜, 而海胆一D木板味都冇!帆立贝边有少少海盐炙烧, 质感有层次!碗物: 松茸汤好清, 好香~ 饮完即刻觉得成身暖晒~三文鱼子配
本来买左机票谂住飞日本庆生, 去唔成唯有食返餐好既日本菜补返数!
朋友食过呢间, 非常推荐佢地既omakase, 所以我都book黎试试~
估唔到都几full啵! 当晚餐厅系full
booking! 咁都证明我冇拣错haha!
我地今次拣左$1380既金set, 包括前菜、冷盘、刺身七点、碗物、天妇罗四点、寿司、和熟食和甜品
前菜~由左至右食起, 味道由淡到浓
(左) 蟹膏x 鱼片, 出奇地夹! 块鱼片劲脆口!(中) 汁煮八爪鱼, 味道有DD甜, 八瓜鱼腍得来又好弹牙
(右) 水云醋煮白梅贝, 质感有D似鲍鱼, 味道带少少酒香
冷盘: 卖相好精美!!! 系鳢鱼(熟嘅)配梅酱 , 口感实净, 冇骨, 味道好特别, 油脂感都重
然后系刺身七点: 吞拿鱼脸颊、拖罗、平成鲷鱼、油甘鱼、北寄贝、海胆配炙烧帆立贝…
样样都好新鲜鲜甜, 全部都系厚切的, 很高水准!
最回味系拖罗, 满口油花~
平成鲷味道好特别, 质感好滑, 口感有少少似墨鱼~
北奇贝很爽脆鲜甜, 而海胆一D木板味都冇!
帆立贝边有少少海盐炙烧, 质感有层次!
碗物: 松茸汤好清, 好香~ 饮完即刻觉得成身暖晒~
三文鱼子配蟹羹茶碗蒸~ 蒸蛋超级滑, 仲非常足料, 每一啖都有蟹肉同三文鱼子, 好满足!
豚角煮系超肥美~ 味道偏甜, 好似日版东坡肉咁~
天妇罗新鲜即炸, 金黄酥脆!!! 虾好好食! 好甜好弹牙! 虾头都好香脆~
手握寿司有鲭鱼、剑鱼、秋刀鱼、海胆帆立贝, 件件非常精致, 好睇到唔舍得食!!
食落仲好回味, 每一件都好鲜甜、味道口感都层次丰富! 属高质诚意之作!最后既甜品都唔马虎!!! 系日本蜜瓜!!! 好甜好绵蜜~
青提带有花香味~ 自家制coffee pudding味道好香浓, 又滑~好味!!!
食埋柚子Sorbet, 酸酸甜甜, 刚好消一消饱腻感~ Perfect!! 大满足!!
张贴
