火鍋煮場 (已結業)

今晚嚟呢间打边炉系因为有个朋友话呢度有$100 100支啤酒，热辣辣打边炉可以肆无忌惮饮啤酒梗系无敌啦。汤底拣咗最传统嘅鸳鸯锅，就系集材清汤配沙嗲汤底。紫菜响铃即叫即炸，可以当小食就咁食或者好似平时响铃打边炉咁样浸一浸汤底先至食，我就觉得浸一浸汤好味啲。同样都系可以当小食嘅仲有呢个脆炸午餐肉，我又系觉得呢一个浸一浸汤先至食好食啲。呢碟系大size安格斯牛小排，牛肉质素高，份量好足，啲雪花纹好靓，食落牛味浓而且软绵绵。手打三宝丸自家制嘢新鲜好味，鲮鱼球虾丸同埋墨鱼丸之中我觉得虾丸最好食，另外旁边影到少少嘅韭菜饺都好好味道，啲韭菜好新鲜，而家写食评先发现原来冇影到佢相。圣子王有大只有新鲜，我哋三个人就叫三只，大家都觉得好正。成餐饭先系饮咗五支啤酒，朋友话仲有80几支，下次可以再去饮，原来佢呢100支系两个月之内要饮晒，一蚊一次真系好抵，似乎大家都出尽办法去救市，益晒我哋。