長浜No.1拉麵

营业中

休息中

位于中环嘅长浜，味道同环境都有番咁上下，原来佢都唔小野，1971年系日本开业有几间分店，再走出日本到台湾香港等地，而香港分店亦由日本师傅亲自打理，感觉就更为地道。.黎到当然要试佢性价比最高嘅No. Ramen啦，里面有四大块紫菜，4大旧叉烧，仲有一只流心温泉蛋，木耳，葱，高菜（似雪菜）配料，另外再加咗明太子高菜同芥辣八爪鱼，相当丰富，餐厅系选用我个人最中意嘅博多拉面😚配上浓厚嘅猪骨汤底，汤底的厚度能够附在面条上，入口却不腻，对于不喜欢汤底太浓太咸的人可说是调较得恰到好处。叉烧有两种，包括肥叉同瘦叉，肥叉经过火烧过处理，食起黎更加香口，加上经火烧处理已经迫走紧啲油份，减少咗油腻感。另外再加上一杯high ball, 为今个晚上画上美丽的句号。