翠華餐廳 (已結業)

近11点先到沙田，想食粉面早餐真系唔多选择。见翠华早餐供应至11点半，二话不说就入咗去。侍应叫我嘟完安心出行同针咭就自行入座，入座后餐厅经理又话要有餐厅职员安排先得，好混乱。而家啲集团餐厅都系要自己扫QR code落单，而且想要杯水都系自助形式。希望长者帮衬会有职员可以代劳，始终未必个个识字/用手机落单，而且字又偏细睇唔清楚。叫咗B餐($39)沙嗲牛面，配牛油餐包及滑蛋，饮品我要咗茶走。沙嗲牛肉味道唔错、牛肉肉质亦够冧。滑蛋都真系几滑，份量亦比集团式快餐店多。茶走我觉得太多奶、唔够茶味，而且唔够热，有啲失色。餐厅冷气唔系好够，已踏入秋天，但都一路食一路流汗。而且抽风可能都麻麻，一直都闻倒煮嘢食味。