泉章居

营业中

休息中

老板在星期五带了一个12人盆菜回公司做团年午餐，个盆菜包装得好企理， 蔬菜另外用胶盒装好， 盆菜是用锡纸盖顶， 再用一个厚身的环保袋将成个盆菜袋住， 及另外有两胶樽的盆菜汁， 因个盆都好多食材， 要花20分钟时间将盆菜翻热到滚起， 一路煲紧时， 香味充满了成公司， 大家都好心急想快快揭盅起筷了～因是12人盆菜， 好多食物都是12件， 鸭脚， 鲍鱼， 蚝豉， 中虾等等， 鲍鱼size比想像中大， 而且是炆得好似红烧咁， 好入味， 总之色泽上好似炆冬菇的颜色， 睇得出是花过心机去炆的。冬菇， 蚝豉，萝卜， 鸭脚好入味， 扣肉5层肥瘦平均分布， 用南乳炆过的颜色，扣肉厚切都入口即溶， 个扎肉条好好食， 谂左好耐都唔知佢点整， 中虾只只爽口弹牙，无梅的虾出现， 咁嘅时侯个盆菜仲用中虾， 虾的来货价都真系海鲜价， 呢点真系好唔简单了。我觉得个盆菜汁调味适中，好味， 类似红烧鲍汁， 而不是一般的南乳红糟汁。芋头腩肉都好好味， 腩肉够林， 芋头大件得黎，用筷子夹起都唔散， 好够粉和不糊口。蔬菜包装得好企理， 方便处理。 只鸡好味， 鸡胸都唔鞋， 可能泉章居招牌菜是盐焗鸡， 处理鸡呢方便绝对难唔到佢。