鮨川 (已結業)

Aqua 有几间食日本野嘅餐厅，今次就试咗鮨川。唔知系因为坐咗吧台定系因为午市嘅关系，嗌咗12贯寿司lunch set 竟然享受到 omakase 嘅感觉，先上前菜，有好嫩滑嘅茶碗蒸，冲绳苦瓜。食完前菜，师傅就依次每件寿司上，由淡到浓，而且仲会提你食法，每件寿司除咗系非常新鲜之外，仲会有师傅秘制酱汁，真系好多旧都唔使点豉油同Wasabi，都好好食。12件寿司大概有：左口鱼，油甘鱼，赤贝，海胆，牡丹虾（牡丹虾上有啲脆脆嘅口感，原来系用虾头虾壳整成），深海池鱼，金目鲷 ，喜之次，池鱼，拖罗，拖罗蓉手卷。 成餐饭除咗食到每样食材嘅鲜味之外， 仲食得出师傅嘅坚持同匠心。