大勝丼 (已結業)

经openrice订左星期六的中午12点，准时去到大胜丼门口，餐厅内外仍然乌灯黑火，又焗又热，厨房仲忙紧准备食材，好似未开始营业咁，我哋唯有开手机照明，过左几分钟，刺身师傅终于发现我哋啦，话侍应未返，叫我哋是但揾个位坐。本来点左帆立贝海胆丼同烧肉元气爆丼，过左一阵隐约听到...刺身师傅：海胆未送黎㖞。侍应反问：琴晚唔系仲有两板咩？刺身师傅：最后两份琴晚卖左啦... 北海道海胆就仲剩两板。点解餐厅唔好好点算食材数量，及时补货，或者明知送货时间唔稳定，预留最低存货量呢😓，老公系为左食海胆而黎，唯有转食北海道鱼生爆丼，但海胆比例就少好多😭。北海道鱼生爆丼，可以试晒多款鱼生，尤其是海胆、甘虾、三文鱼腩、鱼子都好新鲜👍🏻，但帆立贝味道怪怪地，吞拿鱼好多筋👎🏻。烧肉元气爆丼，果然冇令人失望，牛肉同饭的比例大约系2:1，肉塔成坐山咁高，饭索晒牛肉汁同烧汁，好好味👍🏻😋，饭的份量比鱼生饭少，所以添左碗饭。可能厨房未准备好，食到一半，味噌汤先黎，有肉碎、洋葱，但味道偏淡，而甜品就系提子味䈮蒻，一般嘢所以冇影低。