人和月雞煲火鍋店 (已結業)

首先食个头盘，我地拣咗椰青香茅青柠烤鱼！新鲜鲈鱼好鲜甜，肉质鲜甜嫩滑！汤底好浓椰香味，我哋饮咗两大碗！佢哋首先煎香左条鲈鱼，再放入煲，一起滚起，一啲腥味都冇！正！呢个头盘嘅量多到我哋以为系用呢个汤底食火锅！之后我哋拣咗个特别啲嘅汤底就系药膳养生牛奶汤。今次我哋拣咗set A，佢系精选牛肉吃到饱，有一个头盘，再有一个汤底已经包咗一啲好靓嘅美国高级牛肉！任嗌唔嬲！牛胸爽都有，真系未食过！全部牛肉都好爽好好味！好新鲜！仲有日本豚肉、蟹子虾滑、墨鱼滑、鲩鱼片、醉鸡件、海虾、五花片，乜都有！对于我钟意食牛嘅人来讲，已经系好多选择！Scan QR code落单，仲有好多其他嘢食又可以食！仲有好大个counter都系甜品！有芋圆仲有豆腐花，超级正！仲有好大个雪糕柜！真正食饱你！