影片
更多
2009-12-10
20 浏览
9-12-2009是日要到铜记「搜罗」一 d 嘢, 搞掂后到湾仔陪又要开夜的朋友食个 quick dinner. 想去的 Rosé (http://www.openrice.com/restaurant/commentdetail.htm?commentid=2041756) 无位, 又见附近呢间热狗店好似几企理, 试试吧.叫了「法兰克福肠热狗」combo, 热狗跟两款酱汁, 另跟炸洋葱圈及一杯饮品:是日珍珠售罄, 结果我杯冻台式「鸳鸯珍珠」(combo 加 $3) 变了「鸳鸯珍珠走珍珠」 : 够冻, 甜度唔高, 第一啖先嗒到咖啡味, 跟住奶味慢慢渗出, 继而有茶香, 几有层次的味道㖞 热狗包烘得微㶶, 卖相几靓, 食落几软熟, 不过如果烘得外松脆, 应该仲好食; 法兰克福肠够脆皮, 味道稳稳阵阵, 不过热辣辣又多汁, 都系 bonus 来的, 而且加了半溶 cheddar 真系香好多; 两款酱汁系 mustard 及店方的 homemade sauce, 店员话落了洋葱做, 但食落我觉得同普通 tomato & pesto sauce 差不多味, 唔系特别 impressive.
是日要到铜记「搜罗」一 d 嘢, 搞掂后到湾仔陪又要开夜的朋友食个 quick dinner. 想去的 Rosé (http://www.openrice.com/restaurant/commentdetail.htm?commentid=2041756) 无位, 又见附近呢间热狗店好似几企理, 试试吧.
叫了「法兰克福肠热狗」combo, 热狗跟两款酱汁, 另跟炸洋葱圈及一杯饮品:
是日珍珠售罄, 结果我杯冻台式「鸳鸯珍珠」(combo 加 $3) 变了「鸳鸯珍珠走珍珠」 : 够冻, 甜度唔高, 第一啖先嗒到咖啡味, 跟住奶味慢慢渗出, 继而有茶香, 几有层次的味道㖞
热狗包烘得微㶶, 卖相几靓, 食落几软熟, 不过如果烘得外松脆, 应该仲好食; 法兰克福肠够脆皮, 味道稳稳阵阵, 不过热辣辣又多汁, 都系 bonus 来的, 而且加了半溶 cheddar 真系香好多; 两款酱汁系 mustard 及店方的 homemade sauce, 店员话落了洋葱做, 但食落我觉得同普通 tomato & pesto sauce 差不多味, 唔系特别 impressive.
炸洋葱圈反而几好食: 劲热辣, 粉浆少少厚, 但脆口唔油, 入面的洋葱肉带甜又软腍, 几好食㖞 On the side 奉上沙律酱, 酸酸甜甜冰冰凉凉, 蘸吓无咁腻, 整体算不错.
朋友食「脆皮芝士肠热狗」combo, 热狗(自愿)只跟一款酱汁, 另跟薯条及一杯饮品:
试了「奶茶珍珠走珍珠」, 茶味几香, 甜度刚好, 好过唔少街边的「立饮」店呢
又试了点薯条, 好粗, 无油, 够脆, 薯肉多薯味几香, 几好食, 不过如果多点「连皮」就好了.
芝士肠无试了, 不过见咬开后渗出奶白色 sauce 状芝士, 朋友又加了 cheddar,「芝上加芝」应该不错吧.
食物不错, 小店亦干净企理, 格局有点似以前般咸道𠮶间 (http://www.openrice.com/restaurant/commentdetail.htm?commentid=1857888)!?
每人埋单 $35, 价钱同后街的港式热狗店 (http://www.openrice.com/restaurant/commentdetail.htm?commentid=1984123) 差不多, 但我觉得呢间好食 d, 嚟开呢头都值得试试的.
张贴
