Soul9+ (已結業)

加完班谂住食完晚餐先返屋企, 因为系星期日所以选择比平日少, 而且落紧雨唔想行嚟行去, 系Openrice见到呢间二百几个好评得两个负评, 应该冇乜问题, 估唔到我会系第三个。谂住食好少少, 见系呢度嘅推介所以叫咗个“烧美国顶级肉眼扒” Medium五年熟。一上枱已心知不妙, 表面干哂, 一切落去感觉唔似煎而系似炸到少少脆咗咁, 大约八成熟左右。上面冇盐亦冇配任何汁, 亦冇俾盐或胡椒我自己落, 咁唯有自己攞但就见唔到啱配牛扒用嘅粗盐。真心未食过咁难食嘅牛扒, 我好后悔做乜要食哂佢, 第二朝（亦即系我写紧食评呢一刻）个胃仲系顶住。呢一份加一后成三百几蚊嘅肉眼扒, 绝对唔合格。