SENSU (新城市廣場三期) (已結業)

猪老婆买完飞睇戏，忽发奇想bk左呢间餐厅。我去到门口先知呢排有Kumamon活动，好似order指定餐有纪念品。所以叫左一个all day breakfast 同 汉堡蛋包饭。个早餐沙律冇酱汁， pancake冇糖浆，收成百几蚊个餐，但服务仲差过茶记。重灾区喺个汉堡度，铁匙羹要好用力先扒得开，入口系非常非常干同实嘅肉饼，我相信系用咗好大量嘅瘦肉先可以做到呢个效果，但用料贵唔代表好食。同时佢个汁都系用碎猪肉做，两样鞋嘅嘢造成唔系和谐，而系鞋口鞋面。食完𠮶餐俾钱时，要提佢先肯拎个纪念品出嚟，仲要唔系一个餐送一个，系一张单先送一个，但门口个提示唔系咁写。坐低水都冇杯，全场廿几枱先坐得三枱人，啲侍应行行企企吹水。呢间嘢食系超饱，系食饱一肚气。