䊾宅韓國燒烤．料理 (已結業)

早前睇到报道推介呢间韩式烧烤串烧放题，我哋两个人决定系呢度试吓$138串烧放题。我哋大概六点钟去到，当时仲未有人， 员工亦好细心下我哋介绍唔同嘅选择同价钱。呢度嘅环境都算宽敞，座椅下面亦都可以摆放手袋。 肉类嘅选择都算多，值得推介嘅系薄西冷，薄薄嘅西冷牛扒大概烧几分钟就熟，而且非常腍容易入口。我哋亦都有叫五花腩，但系五花腩嘅味道就麻麻，味道较为淡而且五花腩与其他韩式烧肉店相比嘅五花腩较为薄而且有骨。大肠会成条上，要自己剪，烤香左之后入口松脆，好香口。反而个猪皮就一般，不过不失。 另外厚切玉子甜甜地味道唔错。因为我哋不嬲都好钟意食烧菠萝，所以亦都有点菠萝，菠萝系新鲜菠萝，而每块菠萝亦都算厚，而且非常甜同多汁，我哋都重复点咗两次。 呢间韩式烧肉店同其他烧肉店嘅唔同系佢哋会把一张圆形嘅牛油纸系铁板上面，但咁样令到啲肉类一出汁就好易烧㶶，亦都需要经常更换牛油纸。