快靚正燒味粉麵茶餐廳 (已結業)

妈妈话今晚屋企作客，想斩啲料返屋企。难得嚟到深水埗，紧系唔可以空手而回😁见到两间舖位大大只字写住快 靓 正，仲要望落非常之干净企理，一于黎加料😎位置一啲唔难揾，大大个红色牌写住快靓正，黎到佢哋门口，首先梗系睇下有啲咩料岩食😁仲可以跟饭食！但唔好谂住佢哋只系得烧味食呀！其实佢哋仲有其他早餐常餐汤面等等😎所以选择真系非常之多，一间茶餐厅绝对可以满足到你所有嘅愿望❤️而且对于一间有14年老字号嘅烧味店，竟然可以接受支付宝。呢个服务其实真系好方便，所以真系唔好睇小佢哋，以为系一啲好旧式嘅餐厅，冇乜特别。其实店主佢哋都非常之紧贴呢个市场动态，尽量令食客食得开心又方便😎睇见都流口水唔讲咁多喇，一于黎睇下我叫左咩食❤️烧腩仔💝外皮十分之香脆可口，而且肥瘦适中。呢个价钱有成一大盒咁多，真系非常之抵食㗎！配上佢哋嘅芥末酱，更加惹味❤️ 同埋拎到返屋企记得一定要开盒盖等佢通风，如果唔系啲倒汗水会滴湿烧腩仔嘅皮，就会唔香脆㗎啦😎烧鹅💓首先佢真系鹅嚟㗎！因为试过几次系其他到买返黎变左鸭脷😭而呢只鹅味香浓，亦都肥瘦适中， 薄薄既鹅皮加上嫩滑嘅鹅肉用黎送饭一流😋😋油鸡💝切鸡💝可能今日唔系好舒服，所以两只鸡嘅味道都差唔多