影片
更多
2017-12-26
748 浏览
冬天约朋友食饭最好就梗系打边炉啦，成日食任食火锅真系食到有啲厌，有朋友就提议不如去试下粥底火锅！粥底火锅嘅选择真系唔系好多，朋友就揾到呢间价钱唔贵而评价又高嘅粥底火锅。睇地图呢间舖头嚟地铁站好似唔系太近，但其实系地铁站行过嚟太约八分钟左右就到嫁啦！舖头好细一间，不过系门口已经见到入面嘅五位枱度都满座。食粥底火锅既话就得一种选择，就系每位$168（2100-凌晨价钱，1800-2100为$188），唔收加一，佢无一份menu，但会比返几多人份量嘅𩠌你，会有十四碟𩠌（以图为三人份量），分别系蟹、贵妃蚌、蚬、鲍鱼、虾、鱿鱼、虾滑、鱼滑、鸡肉、鱼、炸鱼皮、油炸鬼、白鱼蛋、菇同南瓜。海鲜、肉类同素都有齐！另外可以每人加$25要肥牛，不过我地惊食唔晒就无叫到。本身落落去既汤已经会有粥系入面，所以有时「不」返啲𩠌上嚟个阵都会「不」到埋啲粥一齐食，加左海鲜之后个粥同汤都更加甜。蟹入面仲有蟹膏！好鲜甜！虾就每人一只，蚬既份量对三个人嚟讲都好足够！鱼滑都似系手工做。平时我都唔钟意食鲍鱼，不过佢地既鲍鱼食落去好鲜甜又唔会好「银」，所以都有食晒2只！鸡肉放左落汤后都好鲜甜！鱼就有骨，所以就无食咁多啦。不过讲到
睇地图呢间舖头嚟地铁站好似唔系太近，但其实系地铁站行过嚟太约八分钟左右就到嫁啦！舖头好细一间，不过系门口已经见到入面嘅五位枱度都满座。
食粥底火锅既话就得一种选择，就系每位$168（2100-凌晨价钱，1800-2100为$188），唔收加一，佢无一份menu，但会比返几多人份量嘅𩠌你，会有十四碟𩠌（以图为三人份量），分别系蟹、贵妃蚌、蚬、鲍鱼、虾、鱿鱼、虾滑、鱼滑、鸡肉、鱼、炸鱼皮、油炸鬼、白鱼蛋、菇同南瓜。海鲜、肉类同素都有齐！另外可以每人加$25要肥牛，不过我地惊食唔晒就无叫到。
本身落落去既汤已经会有粥系入面，所以有时「不」返啲𩠌上嚟个阵都会「不」到埋啲粥一齐食，加左海鲜之后个粥同汤都更加甜。
蟹入面仲有蟹膏！好鲜甜！
虾就每人一只，蚬既份量对三个人嚟讲都好足够！
鱼滑都似系手工做。
平时我都唔钟意食鲍鱼，不过佢地既鲍鱼食落去好鲜甜又唔会好「银」，所以都有食晒2只！
鸡肉放左落汤后都好鲜甜！
鱼就有骨，所以就无食咁多啦。
不过讲到最钟意既一样，就系平时打边炉唔会食到既油炸鬼啦！事关呢度系食粥底火锅先会有呢样嘢，油炸鬼放左落汤之后真系好爽口，但又唔会好似乡铃咁浸到「林」晒，有啲似平时食西餐个包浸落西汤入面既感觉。
另外都好想赞下呢度既staff都系叔叔，全部都好亲切有礼貌，又同我地倾下计，见我地唔知应该落边样先又会教我地，有时又帮我地「搞」下个粥底，以免啲粥会痴底。以呢个价钱嚟讲，呢个服务同食物质素同份量嚟讲真系好值，一定会再嚟食！
张贴
